Qazir jemis-jidek naýqany bastalyp ketkeni belgili. Ásirese, jáshik-jáshik qulpynai men tańqýrai satqandardyń saýdasy qyzyp tur. Osyndai kezeńde áleýmettik jelide kóptiń kóńilin buzǵan video jariialandy. "Jarnama bolsyn" degen video avtory ony keiin óshirip te tastapty, dep habarlaidy Dalanews.kz.
Áleýmettik jelide jáshik-jáshik qulpynai men tańqýrai ústine dihlofos sepken er adamnyń videosy jappai taraýda. Bul video kóptiń ashýyn týǵyzdy. Videodan bul jaittyń jemis-jidek toly qoima nemese olardy saqtaýǵa arnalǵan orynda bolǵanyn baiqaýǵa bolady. Video astyna pikir qaldyrǵandar muny adamdardy ýlaýmen birdei nárse ekenin aitýda.
Kóp uzamai atalǵan video óshirildi. Alaida onyń sýreti nemese úzindisi báribir jelide taraýda. Al onyń paraqshasynda buǵan deiin jemis-jidekterdiń jarnamasy jariialanyp kelgen eken. Soǵan qaraǵanda bul video da bastapqyda jarnama, iaǵni "shybyn-shirkei jemisterimizge jolamaidy, biz únemi zararsyzdandyrý jumystaryn júrgizip otyramyz" degendi bildirmek maqsatta salynǵan sekildi.
