ءقازىر جەمىس-جيدەك ناۋقانى باستالىپ كەتكەنى بەلگىلى. اسىرەسە، جاشىك-جاشىك قۇلپىناي مەن تاڭقۋراي ساتقانداردىڭ ساۋداسى قىزىپ تۇر. وسىنداي كەزەڭدە الەۋمەتتىك جەلىدە كوپتىڭ كوڭىلىن بۇزعان ۆيدەو جاريالاندى. "جارناما بولسىن" دەگەن ۆيدەو اۆتورى ونى كەيىن ءوشىرىپ تە تاستاپتى، دەپ حابارلايدى Dalanews.kz.
الەۋمەتتىك جەلىدە جاشىك-جاشىك قۇلپىناي مەن تاڭقۋراي ۇستىنە ديحلوفوس سەپكەن ەر ادامنىڭ ۆيدەوسى جاپپاي تاراۋدا. بۇل ۆيدەو كوپتىڭ اشۋىن تۋعىزدى. ۆيدەودان بۇل جايتتىڭ جەمىس-جيدەك تولى قويما نەمەسە ولاردى ساقتاۋعا ارنالعان ورىندا بولعانىن بايقاۋعا بولادى. ۆيدەو استىنا پىكىر قالدىرعاندار مۇنى ادامداردى ۋلاۋمەن بىردەي نارسە ەكەنىن ايتۋدا.
كوپ ۇزاماي اتالعان ۆيدەو ءوشىرىلدى. الايدا ونىڭ سۋرەتى نەمەسە ءۇزىندىسى ءبارىبىر جەلىدە تاراۋدا. ال ونىڭ پاراقشاسىندا بۇعان دەيىن جەمىس-جيدەكتەردىڭ جارناماسى جاريالانىپ كەلگەن ەكەن. سوعان قاراعاندا بۇل ۆيدەو دا باستاپقىدا جارناما، ياعني "شىبىن-شىركەي جەمىستەرىمىزگە جولامايدى، ءبىز ۇنەمى زارارسىزداندىرۋ جۇمىستارىن جۇرگىزىپ وتىرامىز" دەگەندى بىلدىرمەك ماقساتتا سالىنعان سەكىلدى.
