1986 jyly 16 jeltoqsanda Almatyda myńdaǵan qazaq jasy alańǵa shyǵyp, ádiletsiz sheshimge qarsylyq bildirdi. Olar qazaq elin óz ultynyń ókili basqarýyn talap etti. Alaida beibit bastalǵan bul narazylyq qandy qaqtyǵysqa ulasyp, azattyqty ańsaǵan talai jas qyrshynnan qiyldy. Sol bir zulmat kúnderdiń izi áli óshken joq. Osyǵan bailanysty Dalanews.kz redaktsiiasy Jeltoqsan oqiǵasy kezinde qaza tapqan qurbandardyń jerlengen oryndary týraly qysqasha málimet usynady.
Qairat Rysqulbekov
Jeltoqsan qurbany Qairat Rysqulbekov 1988 jyly 21 jasynda Semeidegi túrmede qaza taýyp, sol qalada jerlengen.
Resmi derekterge sáikes, máiitin týǵan jeri Jambyl oblysy, Moiynqum aýdanyna aparýǵa ruqsat berilmegen.
Lázzat Asanova
Almaty mýzyka ýchilishesiniń stýdenti Lázzat Asanova 16 jasynda kóz jumdy.
Onyń ziraty Almaty oblysy Panfilov aýdanyna qarasty Aqjazyq aýylynda ornalasqan.
Sábira Muhamedjanova
Shyǵys Qazaqstan oblysy, Tarbaǵatai óńiriniń týmasy Sábira Muhamedjanova Almatydaǵy jastar sherýin qoldap, Óskemen qalasynyń stýdentterimen birge Ýshanov alańyna qarai óleń aityp, sherýge shyqqan. Osy áreketi úshin ol "tártipsizdikke qatysýshy" dep baǵalanyp, qysym kórip, nebári 16 jasynda qaza tapty.
Sábiranyń máiiti týǵan jerinde jerlengen.
Erbol Sypataev
Energetika institýtynyń 2-kýrs stýdenti Erbol Sypataev 22 jasynda Jeltoqsan oqiǵasy kezinde aýyr jaraqat alyp, aýrýhanada kóz jumdy. Ol Almaty oblysy Panfilov aýdanynda jerlengen.
Erbol – bir úidiń jalǵyz balasy edi. Ol "Quiyn-86" operatsiiasynyń qurbany sanalady.
