Jelidegiler Jańbyrshındi synap tastady. Depýtat oǵan jaýap qatty

Kórkem Aldabergenova 24 jel. 2024 15:21 393

Jeli qoldanýshylary Úkimet saǵatynda Air Astana basshysy Pıter Fosterdi synap tastaǵan depýtat Edil Jańbyrshınniń ózshin synap tastady, - dep habarlaıdy Dalanews.kz.

Jýrnalıs Serik Hasenov Facebook paraqshasynda Jańbyrshınniń "erligi" týraly jazdy.

"Eń birinshi Jańbyrshınniń nadandyǵy týraly. Árıne, ultshyl, kompleksqa toly adam úshin bul jáı ǵana sóz... Ol tutas bir kontınentti qorlap sóıledi ǵoı negizi... Bir eýropalyq otyryp, biz túrki halyqtary sıaqty dıktatorlardyń jeke menshigi emespiz dese qalaı? Shamyńyzǵa tıema? Sol depýtatty sol kúni ıtjekkenge aıdap jiberetin edi ózderi... sebebi, ol saý qoǵam ǵoı... tutas bir kontınentti aborıgen dep kemsitken adamǵa tamsanyp biz otyrmyz... sóıtip júrip adam bolǵymyz keledi eshe...

Ekinshiden men bul jerde Jańbyrshınniń kózdegeni ne degen suraqqa basa nazar aýdarý kerek dep esepteımin. Eger áýekompanıasy birdeńeni durys jasamasa, ony retteý kerek memlekettik jaýapty organdar bar ǵoı. Nege sony qozǵamaıdy? Olar nege jumys istemeı otyr. Kim-kimmen aýyz jalasqan dep nege zertteý jasap, fakt jınap kelmeıdi... túbi strelka AP-ǵa ne tıgrǵa ákeletinin bári biledi... oǵan sizderdiń "erlik jasaǵysh" depýtattaryńyzda kótte, bilimde joq... Úshinshiden ol kisi "Bizdi halyq saılady, myna jerde otyrǵandar halyq qalaýlylary" dedi. Bizdiń elde eshqandaı ádil saılaý joq. Ol jerde taǵaıyndalǵandar ǵana. Ony ózderide biledi ǵoı...", - deıdi jýrnalıs.

Ol depýtattardyń Fosterdi "tergep" jatqandarynda bir gáp bar dep sanaıdy.

"Baǵana bireýler "Aır Astanany" Ivanov deıma bireýge bermek dep jatyr eken...

Men osy jerde bir ǵana dúnıeni eskertkim keledi. "Arsellor Mıttaldyń" qalaı qoldan qolǵa kóshkenin bárin bilemiz ǵoı... aıaq asty bir "batyrlar" dál osylaı minberden shúıligip, qanshama shahta aıaq asty jarylyp qanshama adam kóz jumdy... bári senarı boıynsha tez-tez jasaldy ǵoı... sodan má saǵan, má maǵan bir basshynyń ornyna ekinshisi kele saldy... biraq, odan halyqqa paıda bolmady...

Jalpy bizdegi bir bıznesti shet eldik olıgarh ne mendjerden alyp orystarǵa beretin kezde adam shyǵyny bolatyny qyzyq qubylys maǵan... Qurmetti qoldan qolǵa bıznes ótkizýge jaýapty AP-daǵy myrzalar! Eshqandaı samolótty aspannan qulatpaı-aq qoldan qolǵa ótkize salyńyzdarshy... biz bári bir oǵan qarsy shyqpaımyz...", - deıdi Serik Hasenov.

Depýtat áleýmettik jelidegi jazbalarǵa qatysty pikir bildirip úlgergen.

"Fosterge kompanıasynyń kemshiligin aıtamyn dep endi arpyldaǵan, daraqy "mádenıetsiz depýtat" bolyppyn. O, dúnıe-aı, qaıteıin! Úndemeı, túıequsqa uqsap, qumǵa basymdy tyǵyp, "mádenıetti depýtat" bolǵannan kóri, osyndaı "mádenıetsiz depýtat" bolǵanym artyq! Keıde ondaılarǵa "qyrtymaı, meniń ornyma kelip otyryp kórińder", - degim keledi, myslı vslýh qylyp! Biraq aıtpaımyn, a to odan saıyn "mádenıetsiz" bolyp ketemin ǵoı!", - dep jazdy Májilis depýtaty.

Eske salaıyq, 23 jeltoqsanda Májilis depýtaty Edil Jańbyrshın Úkimet saǵatynda Air Astana AQ bas atqarýshy dırektory Pıter Fosterge "shańyraqqa qarańyz" dep eskertý jasaǵan bolatyn.

Edil Jańbyrshın depýtattardyń aldyna alǵash ret kelgen Pıter Fosterge birqatar eskertý jasap, halyqtyń jaǵdaıyn oılaýǵa shaqyrdy. Jańbyrshın depýtat Samat Musabaevpen birge ushaq 1 saǵat keshikse, úsh paıyz aıyppul salatyn norma engizgenin, alaıda aıyppul óndirip alý qıyn ekenin málimdedi.

Sondaı-aq depýtat Air Astana-nyń búkil mýltımedıasy ózge tilderde ekenin aıtty.