22 naýryzda belgisiz bireýler Máskeýdegi Krokýs Siti Holl kontsert zalynda adamdarǵa oq jaýdyrdy. Keiin kontsert zalynda órt shyqty. Sebebi oq atqandar granata jarǵany belgili boldy. Qazir tórt kúdikti de ustaldy. Al áleýmettik jelide terakt bastalǵanǵa deiingi kadrlar paida boldy, - dep habarlaidy Dalanews.kz.
Mash arnasynyń derekterine súiensek,videoda "Krokýstaǵy" tragediiadan bir saǵat burynǵy "Piknik" tobynyń kadrlary kórinedi. Daiyndyq 17:00-de bastalǵan. Mýzykanttar dybys pen basqa da jabdyqtardy tekserip, keiin kiim aýystyratyn bólmege ketken.
"Sol jerde olar atys dybystary men aiǵai-shýdy estigen. Solister men top qyzmetkerleri qosalqy esik arqyly evakýatsiialandy. Qaiǵyly oqiǵadan keiin rok toby qaza tapqandar men zardap shekkenderdiń otbasylaryna aqsha jinaý jumystaryn uiymdastyrdy", - dep jazylǵan arna málimetinde.
Aita keteiik, atys "Piknik" rok-tobynyń kontsertine birneshe minýt qalǵanda bastalǵan bolatyn.
"Zalda júrgen adamdar atystan qorǵaný úshin birden jerge jatyp qorǵandy. Keminde 15-20 minýt jerde jatyp, aqyryndap syrtqa shyǵa bastady. Kóbi qashyp úlgerdi", - dep jazdy sol kezde reseilik arnalar.
Al buǵan deiin Máskeý qalasynyń aýdandyq sotyna Krokýs-Ekspo saýda oiyn-saýyq ortalyǵynda aýqymdy terroristik akt jasady degen kúdiktiler ákelingen bolatyn. Keiinirek Basman aýdandyq soty terrorister tobyna qatysty aldyn ala tergeý organdarynyń bultartpaý sharasyn tańdaý týraly ótinishin qaraýǵa kiristi.
Reseidiń Tótenshe jaǵdailar ministrliginiń aldyn ala aqparaty boiynsha terroristerdiń atys qarýyn qoldanýy men saýda oiyn-saýyq ortalyǵy órtenýinen 130-dan asa adam qaza tapqan, zardap shekkenderdiń sany 180 adamnan asady.
Sot kúdiktilerge 1 ai 28 táýlik merzimge, iaǵni 2024 jylǵy 22 mamyrǵa deiin qamaýǵa alý túrindegi bultartpaý sharasyn tańdady.
