22 ناۋرىزدا بەلگٸسٸز بٸرەۋلەر مەسكەۋدەگٸ كروكۋس سيتي حولل كونتسەرت زالىندا ادامدارعا وق جاۋدىردى. كەيٸن كونتسەرت زالىندا ٶرت شىقتى. سەبەبٸ وق اتقاندار گراناتا جارعانى بەلگٸلٸ بولدى. قازٸر تٶرت كٷدٸكتٸ دە ۇستالدى. ال ەلەۋمەتتٸك جەلٸدە تەراكت باستالعانعا دەيٸنگٸ كادرلار پايدا بولدى, - دەپ حابارلايدى Dalanews.kz.
Mash ارناسىنىڭ دەرەكتەرٸنە سٷيەنسەك,ۆيدەودا "كروكۋستاعى" تراگەدييادان بٸر ساعات بۇرىنعى "پيكنيك" توبىنىڭ كادرلارى كٶرٸنەدٸ. دايىندىق 17:00-دە باستالعان. مۋزىكانتتار دىبىس پەن باسقا دا جابدىقتاردى تەكسەرٸپ, كەيٸن كيٸم اۋىستىراتىن بٶلمەگە كەتكەن.
"سول جەردە ولار اتىس دىبىستارى مەن ايعاي-شۋدى ەستٸگەن. سوليستەر مەن توپ قىزمەتكەرلەرٸ قوسالقى ەسٸك ارقىلى ەۆاكۋاتسييالاندى. قايعىلى وقيعادان كەيٸن روك توبى قازا تاپقاندار مەن زارداپ شەككەندەردٸڭ وتباسىلارىنا اقشا جيناۋ جۇمىستارىن ۇيىمداستىردى", - دەپ جازىلعان ارنا مەلٸمەتٸندە.
ايتا كەتەيٸك, اتىس "پيكنيك" روك-توبىنىڭ كونتسەرتٸنە بٸرنەشە مينۋت قالعاندا باستالعان بولاتىن.
"زالدا جٷرگەن ادامدار اتىستان قورعانۋ ٷشٸن بٸردەن جەرگە جاتىپ قورعاندى. كەمٸندە 15-20 مينۋت جەردە جاتىپ, اقىرىنداپ سىرتقا شىعا باستادى. كٶبٸ قاشىپ ٷلگەردٸ", - دەپ جازدى سول كەزدە رەسەيلٸك ارنالار.
ال بۇعان دەيٸن مەسكەۋ قالاسىنىڭ اۋداندىق سوتىنا كروكۋس-ەكسپو ساۋدا ويىن-ساۋىق ورتالىعىندا اۋقىمدى تەرروريستٸك اكت جاسادى دەگەن كٷدٸكتٸلەر ەكەلٸنگەن بولاتىن. كەيٸنٸرەك باسمان اۋداندىق سوتى تەرروريستەر توبىنا قاتىستى الدىن الا تەرگەۋ ورگاندارىنىڭ بۇلتارتپاۋ شاراسىن تاڭداۋ تۋرالى ٶتٸنٸشٸن قاراۋعا كٸرٸستٸ.
رەسەيدٸڭ تٶتەنشە جاعدايلار مينيسترلٸگٸنٸڭ الدىن الا اقپاراتى بويىنشا تەرروريستەردٸڭ اتىس قارۋىن قولدانۋى مەن ساۋدا ويىن-ساۋىق ورتالىعى ٶرتەنۋٸنەن 130-دان اسا ادام قازا تاپقان, زارداپ شەككەندەردٸڭ سانى 180 ادامنان اسادى.
سوت كٷدٸكتٸلەرگە 1 اي 28 تەۋلٸك مەرزٸمگە, ياعني 2024 جىلعى 22 مامىرعا دەيٸن قاماۋعا الۋ تٷرٸندەگٸ بۇلتارتپاۋ شاراسىن تاڭدادى.
