Áleýmettik jelide jedel járdem qyzmetkerleri naýqasty teýip jatqan video tarady, dep habarlaidy Dalanews.kz.
Densaýlyq saqtaý ministrligi málimetinshe, qazaqstandyq jedel járdem qyzmetkerleri naýqasqa meditsinalyq kómek kórsetpei, kóshede qaldyryp ketkeni týraly video - feik video.
"Videodaǵy adamdar qazaqstandyq jedel járdem qyzmetkerleri emes. Kiim úlgisinde QR-daǵy jedel meditsinalyq kómek brigadalary úshin mindetti memlekettik jáne vedomstvolyq belgiler joq. Kiimniń tús gammasy men úlgisi Qazaqstanda qoldanylatyn biryńǵai standartqa sáikes kelmeidi. Budan bólek, roliktegi oqiǵa 2024 jylǵy 11 naýryzda Volgograd qalasynda bolǵany jáne sol ýaqytta reseilik BAQ-ta keńinen jariialanǵany anyqtaldy", - dep jazylǵan habarlamada.
Ministrlik pikirinshe, buryn bolǵan jáne tergelgen isti Qazaqstannyń jedel járdem qyzmetimen bailanystyrý - azamattardy ádeii jańylystyrý.
