الەۋمەتتىك جەلىدە جەدەل جاردەم قىزمەتكەرلەرى ناۋقاستى تەۋىپ جاتقان ۆيدەو تارادى، دەپ حابارلايدى Dalanews.kz.
دەنساۋلىق ساقتاۋ مينيسترلىگى مالىمەتىنشە، قازاقستاندىق جەدەل جاردەم قىزمەتكەرلەرى ناۋقاسقا مەديسينالىق كومەك كورسەتپەي، كوشەدە قالدىرىپ كەتكەنى تۋرالى ۆيدەو - فەيك ۆيدەو.
"ۆيدەوداعى ادامدار قازاقستاندىق جەدەل جاردەم قىزمەتكەرلەرى ەمەس. كيىم ۇلگىسىندە قر-داعى جەدەل مەديسينالىق كومەك بريگادالارى ءۇشىن مىندەتتى مەملەكەتتىك جانە ۆەدومستۆولىق بەلگىلەر جوق. كيىمنىڭ ءتۇس گامماسى مەن ۇلگىسى قازاقستاندا قولدانىلاتىن ءبىرىڭعاي ستاندارتقا سايكەس كەلمەيدى. بۇدان بولەك، روليكتەگى وقيعا 2024 جىلعى 11 ناۋرىزدا ۆولگوگراد قالاسىندا بولعانى جانە سول ۋاقىتتا رەسەيلىك باق-تا كەڭىنەن جاريالانعانى انىقتالدى"، - دەپ جازىلعان حابارلامادا.
مينيسترلىك پىكىرىنشە، بۇرىن بولعان جانە تەرگەلگەن ءىستى قازاقستاننىڭ جەدەل جاردەم قىزمەتىمەن بايلانىستىرۋ - ازاماتتاردى ادەيى جاڭىلىستىرۋ.
