Áleýmettik jelilerde Májilis depýtaty Aidos Syrymnyń aty «Mirotvorets» bazasynda paida bolǵany jóninde aqparat tarady, dep habarlaidy Dalanews.kz.
Internette jariialanǵan skrinshottarda depýtattyń Ýkrainadaǵy soǵysqa qatysty pikirleri men ustanymdaryna bailanysty túrli aiyptaýlar kórsetilgen. Keibir paraqshalarda bul derekter Resei aýmaǵynda qylmystyq jaýapkershilikke ákelýi múmkin degen boljamdar da jazylǵan.
Alaida atalǵan aqparat ázirge resmi túrde rastalǵan joq. Qazaqstannyń ýákiletti organdary da, depýtattyń ózi de bul máselege qatysty túsinikteme bergen joq.
Aita keteiik, «Mirotvorets» saity birneshe elde daýly resýrs retinde qarastyrylady. Onda saiasatkerler, jýrnalister men qoǵam qairatkerleri týraly málimetter jariialanyp, olardyń Ýkrainaǵa qatysty ustanymdary turǵysynan baǵa beriledi. Bul baza zańdy organ sanalmaidy jáne onyń jariialanymdary quqyqtyq kúshke ie emes.
Jelide taraǵan málimet qoǵamda qyzý pikirtalas týdyryp otyr. Sarapshylar mundai resýrstardyń aqparattyq qysym quraly retinde jii paidalanylatynyn, al ondaǵy derekterdiń resmi mártebesi joq ekenin atap ótedi.
