Májilis depýtaty Bolatbek Najmetdinuly IMEI-kodtar boiynsha mobildi qurylǵylardy verifikatsiialaýdyń jańa júiesi konkýrssyz tańdalyp alynǵan "ATS mediafon KZ" jeke kompaniiasynyń usynýy birqatar suraqtar týǵyzatynyn aitty, dep habarlaidy Dalanews.kz.
Ol depýtattyq korpýs atyna jeke qurylym "ATS Mediafon KZ" JShS arqyly júzege asyrylatyn IMEI – kodtar boiynsha mobildi qurylǵylardy májbúrlep verifikatsiialaýǵa qatysty shaǵymdar kóptep kelip túsip jatqanyn aitady.
Aita ketsek, naýryz aiynyń sońynda Qazaqstanda mobildi qurylǵylardy tirkeý erejeleri ózgerdi. Qazir IMEI-di tirkegeni úshin importtaýshylardan 3 932 teńge mólsherinde alym alynady. Ol Qaraǵandy oblysy máslihatynyń depýtatymen bailanysty "ATS Mediafon KZ" JShS-nyń shotyna túsedi. Elimizge 4 millionǵa jýyq qurylǵyny ákelýdi eskersek, jyl saiyn bul qyzmetten shamamen 15 mlrd teńge tabys túsedi eken.
"Ózderińiz biletindei, osy kompaniia arqyly mindetti tekserý rásimi bir aidan az ýaqyt buryn iske qosyldy, alaida IMEI-di tirkeý júiesi árqashan jumys istep kelgen. Naryq qatysýshylarynyń málimetterine sáikes, Qazaqstanda kóleńkeli aimaqta 12 mln qurylǵy bar jáne verifikatsiia úshin belgilengen tólem mólsheri – árqaisysyna 3932 teńge bolýy zańdy saýal týǵyzady. Óitkeni bul qyzmetti memlekettik mártebesi joq, eshqandai konkýrsqa qatyspaǵan, resmi mandaty joq jeke kompaniia kórsetetinin eskersek... Sarapshylardyń baǵalaýynsha, Qazaqstan naryǵyndaǵy mobildi qurylǵylardyń 75%-y resmi kedendik rásimderden tys ákelinedi, bul 150 mlrd teńgege deiin baǵalanatyn memlekettik biýdjettiń júieli shyǵyndaryn qalyptastyrady", - dedi Bolatbek Nájimetdinov.
Onyń aitýynsha, qazirgi verifikatsiia júiesi shekaradaǵy baqylaýdyń orynyn basy, kóleńkeli import úshin jaýapkershilikti azamattar men biznestiń moinyna júkteidi. Sonymen qatar, atalǵan tetiktiń ózine qatysty túsiniksiz jait kóp: kompaniia bul fýnktsiiany konkýrssyz jáne resmi mandatsyz alyp otyr, al ony iriktep alý kriteriileri ashyp aitylmaidy, qyzmet baǵasy birjaqty tártippen jáne negizdemesiz belgilengen, al derbes derekterdi jinaý (JSN, TAÁ, Telefon nómiri, IMEI) derbes derekterdi qorǵaý týraly zańda kózdelgen negizdersiz júrgizilýde.
Depýtattyń pikirinshe, mundai shemany qoldaný memlekettik organdardyń kemshilikterin joiýdyń ornyna olardyń saldaryn zańdastyrýdy bildiredi.
"Bul jaǵdai e-Qurylys keisine uqsas: tsifrlyq qyzmet, jeke platforma, básekelestiktiń jáne ashyqtyqtyń bolmaýy. Osyǵan bailanysty "ATS Mediafon KZ" JShS qandai negizde IMEI-kodtardy mindetti verifikatsiialaý fýnktsiialaryn júzege asyratynyn túsindirýdi suraimyn. Osy kompaniiaǵa tiisti ókilettikter berilgenin rastaityn normativtik quqyqtyq aktiler de kórsetilsin. Irikteý protsedýrasy ótkizilgenin jáne kim sheshim qabyldaǵanyn da aityńyzdar. 3932 teńgeniń quny kimmen jáne qandai negizde belgilengen? Onyń ekonomikalyq nemese quqyqtyq negizdemesi bar-joǵyn kóreiik. Azamattardyń derbes derekterin jinaý jáne óńdeý qandai negizde júzege asyrylatynyn jáne tiisti kelisimderdiń qandai erekshelikteri bar-joǵyna qatysty túsiniktemeni de kútemiz", - dep sózin tolyqtyrady Bolatbek Nájimetdinov.
Sondai-aq ol quzyrly organdardan bul shemanyń qoldanysyn toqtata turýǵa, verifikatsiia fýnktsiiasyn ýákiletti memlekettik organǵa berýge, sondai-aq zańsyz óndirip alynǵan qarajatty kásipkerler men azamattarǵa qaitarý múmkindigin qarastyrýǵa shaqyrady, eger, árine zańnamany buzýshylyqtar anyqtalǵan jaǵdaida.
