Resei prezidenti Vladimir Pýtinniń balalaryna qatysty tyń derekter shyqty. Reseilik "Dose" jobasy RF basshysy men kórkem gimnast Alina Kabaevanyń balalary týraly zertteý jasaǵan, - dep habarlaidy Dalanews.kz.
Joba málimetinshe, Pýtin men Kabaevanyń Ivan jáne Vladimir atty balalary bar. Ekeýi de rezidentsiialarda halyqtan oqshaýlanyp ómir súrip, iahta men biznes-djettarmen saiahattaidy. Ivan men Vladimirdiń qaýipsizdigine federaldy kúzet qyzmeti jaýapty, olardyń qasynda táýlik boiy bala kútýshi júredi. Aǵaiyndylar ózimen qatar dostarymen kóp aralaspaidy, tek meiram kezinde ǵana kezedesetin kórinedi. Tipti ata-anasy Pýtin men Kabaevany da sirek kóredi eken.
"Dose" derekteri boiynsha, Ivan men Vladimir týraly aqparat memlekettik aqparat bazasynda joq. Sebebi ekeýine de týǵannan qorǵaýǵa arnalǵan qujattar jasalǵan. Ol ádette barlaýshylar nemese memlekettik qorǵaýdaǵy adamdarǵa jasalatyn qujat. Ekeýi naqty qashan ómirge kelgenin jaqyndary men týystary ǵana biledi.
Ivan men Vladimir qarapaiym reistermen ushpaidy, olardyń jeke ushaqtary bar. Ekeýi de balabaqshaǵa da, mektepke barmaidy.
Buqaralyq quraldar betterinde Pýtin men Kabaevanyń úsh balasy bar degen aqparat bar. Alaida prezidenttiń rezidentsiiasynda jumys isteitin qyzmetker muny joqqa shyǵaryp, ekeýiniń tek eki uly baryn aitqan. "Dose" qyzmetkerdiń shyn máninde rezidentsiiada jumys isteitinine kóz jetkizgen.
Vladimir Pýtin men Alina Kabaevanyń jeke ómiri - Reseidegi eń qupiia aqparattardyń biri. Pýtin resmi túrde 1983 jyly birinshi áieli Liýdmila Shkrebnevaǵa úilenip, 30 jyldan keiin ekeýi ajyrasyp ketken. Olardyń Mariia Vorontsova jáne Katerina Tihonova atty eki qyzy bar.
Pýtin Kabaevaǵa 2008 jyly úilengen degen aqparat bar. Al 2015 jyly Alina Kabaeva tuńǵyshyn bosansa, 2018 jyly ekinshi ulyn ómirge ákelgen.
Ivan men Vladimir turatyn rezidentsiiada qyzmet etetin adamdar jaqyn mańdarda turady. Rezidentsiiada Pýtinniń eki uly úshin barlyq jaǵdai jasalǵan. Ol úshin rezidentsiiadan da shyǵýdyń qajeti joq.
"Dose" málimetinshe, balalar tańǵy 8-9-da jinalyp, bala kútýshimen jáne muǵalimderimen tańǵy as ishedi. Artynsha 30-45 minýt sabaq oqyp, keiin oiyn oinaidy. Odan soń túski demalysqa ketip, oianǵannan keiin sportpen ainalysady. Keshki 8-den keiin balalardy júrgizýshi alyp ketedi.
Vladimir Pýtin balalarymen jii kezdespegenimen olarmen oinaýǵa ýaqyt tabatyn kórinedi. Mysaly keshki ýaqytta Pýtin úlken ulymen hokkei oinaidy. Prezident hokkei jattyǵýyna kele almasa onyń ornyna komandaǵa qyzmetkerlerdiń biri qosylady. Al eger uly ákesimen oinasa, muz alańyna Pýtin, uly men kúzet qyzmetkeri shyǵady eken.
Pýtin men Kabaeva balalary anasy sekildi kásibi sportshy bolǵanyn qalaityn kórinedi. Sebebi balalar baryp turatyn barlyq rezidentsiiada gimnastika men bassein úshin qajet sport kesheni bar eken. Odan bólek, Ivan men Vladimirde júzý men gimnastikany úiretetin jeke jattyqtyrýshylary bar.
