Pavlodar oblysynda politsiia men jedel járdem qyzmetkerleri májbúrlep psihiatriialyq emhanaǵa alyp ketken til janashyry Rýza Beisenbaitegi bosatyldy. Bul jańalyqty jergilikti máslihattyń depýtaty Asylbek Týǵanbaiuly málimdedi, dep habarlaidy Dalanews.kz
«Rýza apai emhanadan shyǵaryldy. Jaǵymdy jańalyq. Kesheli beri kóziqaraqty jurtshylyq pavlodarlyq belsendi, til janashyry Rýza Beisenbaiteginiń jaǵdaiyna alańdaýly bolǵany túsinikti.Dál qazir, Rýza apai psihiatriialyq emhanadan bosatyldy. Jaǵdaiy jaqsy. Ol kisige qatysty máselege barlyǵymyz alańdadyq. Shamamyz kelgenshe naqty aqparat alyp otyrýǵa tyrystyq. Quzyrly mekemelermen únemi bailanysta boldyq», — dep jazdy halyq qalaýlysy. Ol ózine ár óńirden kóptegen adamdar alańdap, habarlasqanyn atap ótken. Barsha janashyr aǵaiynǵa alǵysyn bildiredi.
«Ókinishke qarai, bul tóńirekte alyp qashpa áńgime de kóp boldy. „Rýza apaidy bilik ádeii qamatypty“, „arnaiy emhanada es-aqylyna áser etetin ekpe salyp jatyr eken“ degen áńgime jeldei esip ketti. Máseleniń baiybyna barmai jatyp arandatýshylyqqa erip ketetin jaǵdailar kóp kezdesedi.Ókinishtisi, oǵan etimiz de úirenip barady… Bul jeke daýdan týyndaǵan másele. Anyq-qanyǵyn quzyrly organdar aita jatar. Eń bastysy — Rýza apai din aman», — deidi avtor. Kollaj: Dalanews.kz
