– Sattar kieli Túrkistanda týyp, ósken. Ózi jazǵandai, onyń jópireigen úii qalanyń shet jaǵynda, temirjolǵa jaqyn eken. Kórshisi jumystan keshke qaitqanda bir bólke nan alyp kelse, onyń áieli balasyna: «E, balam, baǵyń bar eken, ákeń nan ákeldi» deidi eken. Sattar: «Baqyt degen nan eken dep oilaýshy edim» deidi.
«Leninshil jastyń» otyzynshy jyldardaǵy tigindisi saqtalsa, ár nómirinen derlik Sattar Erýbaevtyń qainar pýblitsistikasy tabylady.
Ókinishke orai, qazaq ádebietiniń jaisań tulǵasy Sattardyń molasy tabylmady. Belgi joq. Bizge kart komsomoldar kómektese almady. Sóitip, Sattar avtostansa astynda qaldy»
Iá, ózekti órteitin ókinish. Qysqa ǵumyrynda qaýatty týyndylar jazyp, qyrshyn ketken qalamgerdiń aidyń kúnniń amanynda basyn aǵartý ózekti órteitin ókinish ekeni anyq.
Sol kezde Komsomaldyń hatshysy, keiinnen Mádeniet ministri bolǵan Ózbekáli Jánibekovtyń Sattar Erýbaevtyń súiegin taýyp, basyna belgi qoiý úshin jantalasýyn netken azamattyq deseńizshi.
Qazirgi ministrler Jánibekovtyń osyndai isterinen úlgi alsa qaneki. Búgingi ministrlerińiz, ólgen qalamgerler turmaq kózi tiri klassik jazýshylardy tanymaityny esińizge túskende, bilik basyndaǵy shendilerdiń týǵna ultynan qanshalyqty alystap ketkenin baiqaýǵa bolady.
Dál qazir bizge ult múddesi jolynda janyn salyp jumys isteitin Jánibekovtei azamattyń jetispeidi.
Nurlan JUMAHAN
