– Sattar kıeli Túrkistanda týyp, ósken. Ózi jazǵandaı, onyń jópireıgen úıi qalanyń shet jaǵynda, temirjolǵa jaqyn eken. Kórshisi jumystan keshke qaıtqanda bir bólke nan alyp kelse, onyń áıeli balasyna: «E, balam, baǵyń bar eken, ákeń nan ákeldi» deıdi eken. Sattar: «Baqyt degen nan eken dep oılaýshy edim» deıdi.
«Lenınshil jastyń» otyzynshy jyldardaǵy tigindisi saqtalsa, ár nómirinen derlik Sattar Erýbaevtyń qaınar pýblısısıkasy tabylady.
Áli esimde, Qazaqstan Komsomoly Ortalyq Komıtetiniń birinshi hatshysy Ózbekáli Jánibekov bizge qyrshyn ketken Sattar Erýbaevtyń molasyn izdep tabýǵa tapsyrma berdi. Bir qart komsomoldardyń aıtýynsha, Sattar Almaty qalasyndaǵy qazirgi Raıymbek kóshesiniń boıyndaǵy zıratta jerlengen eken. Birinshi hatshynyń tapsyrma berý sebebi – osy zırat taıaýda tegistelip, ornyna avtostansa salynbaqshy bolǵandyqtan, ultjandy azamat tez arada Sattardyń molasy taýyp, súıegin basqa zıratqa jerlep, basyna belgi qoıýdy oılaǵan ǵoı.
Ókinishke oraı, qazaq ádebıetiniń jaısań tulǵasy Sattardyń molasy tabylmady. Belgi joq. Bizge kart komsomoldar kómektese almady. Sóıtip, Sattar avtostansa astynda qaldy»
Iá, ózekti órteıtin ókinish. Qysqa ǵumyrynda qaýatty týyndylar jazyp, qyrshyn ketken qalamgerdiń aıdyń kúnniń amanynda basyn aǵartý ózekti órteıtin ókinish ekeni anyq.
Sol kezde Komsomaldyń hatshysy, keıinnen Mádenıet mınıstri bolǵan Ózbekáli Jánibekovtyń Sattar Erýbaevtyń súıegin taýyp, basyna belgi qoıý úshin jantalasýyn netken azamattyq deseńizshi.
Qazirgi mınıstrler Jánibekovtyń osyndaı isterinen úlgi alsa qanekı. Búgingi mınıstrlerińiz, ólgen qalamgerler turmaq kózi tiri klasık jazýshylardy tanymaıtyny esińizge túskende, bılik basyndaǵy shendilerdiń týǵna ultynan qanshalyqty alystap ketkenin baıqaýǵa bolady.
Dál qazir bizge ult múddesi jolynda janyn salyp jumys isteıtin Jánibekovteı azamattyń jetispeıdi.
Nurlan JUMAHAN
