Jazýshy Jumabai Shashtaiuly ómirden ótti

QR Eńbek sińirgen qairatkeri, jazýshy Jumabai Shashtaiuly 74 jasqa qaraǵan shaǵynda ómirden ótti, - dep habarlaidy Dalanews.kz.

Jumabai Shashtaiuly - QR Prezidentiniń stipendiaty, Halyqararyq Jambyl jáne "Alash" syilyqtarynyń laýreaty, Qazaqstan Jazýshylar odaǵynyń múshesi atanǵan.

Prezident qarymdy qalamger, pýblitsist, Qazaqstannyń eńbek sińirgen qairatkeri Jumabai Shashtaiulynyń dúnieden ótýine bailanysty onyń otbasy men jaqyn týystaryna kóńil aitty.

"Jumabai Shashtaiuly qazaq ádebietine ózindik qoltańbasyn qaldyryp, rýhaniiatymyzdyń damýyna eleýli úles qosty. Shyǵarmalary keńinen nasihattalyp, oqyrman tarapynan joǵary baǵalandy. Ónegeli ǵumyr keshken Jumabai Shashtaiulynyń esimi men jarqyn beinesi halqymyzdyń júreginde máńgi saqtalady. Marqumnyń imany salamat, jany jánnatta bolsyn", - dep jazylǵan jedelhatta.

Jumabai Shashtaiuly "Kommýnizm joly", "Leninshil jas", "Sotsialistik Qazaqstan", "Jas Alash" gazetterinde, "Jalyn" jýrnalynda eńbek etti. Halyqaralyq "Zaman-Qazaqstan" gazetiniń jáne "Qazaq ádebieti" gazetiniń bas redaktory, sondai-aq, Qazaq radiosynyń bas redaktory qyzmetin atqardy.

Jazýshynyń "Qyzyn qar", "Jala men nala", "Jyr jolbarys", "Bizdiń zamannyń Aiaz bii", "Jańǵyryq" atty jinaqtary men romandary oqyrmannyń júreginen oryn tapty.

QR Mádeniet jáne aqparat ministrligi de óz zamanynyń qarymdy qalamgeri Jumabai Shashtaiulynyń otbasy men jaqyndaryna kóńil aitty.