جازۋشى جۇماباي شاشتاي ۇلى ومىردەن ءوتتى

ساعىنىش سارداروۆا 12 ناۋ. 2024 10:18 2471

ق ر ەڭبەك سىڭىرگەن قايراتكەرى، جازۋشى جۇماباي شاشتاي ۇلى 74 جاسقا قاراعان شاعىندا ومىردەن ءوتتى، - دەپ حابارلايدى Dalanews.kz.

جۇماباي شاشتاي ۇلى - ق ر پرەزيدەنتىنىڭ ستيپەندياتى، حالىقارارىق جامبىل جانە "الاش" سىيلىقتارىنىڭ لاۋرەاتى، قازاقستان جازۋشىلار وداعىنىڭ مۇشەسى اتانعان.

پرەزيدەنت قارىمدى قالامگەر، پۋبليسيست، قازاقستاننىڭ ەڭبەك سىڭىرگەن قايراتكەرى جۇماباي شاشتاي ۇلىنىڭ دۇنيەدەن وتۋىنە بايلانىستى ونىڭ وتباسى مەن جاقىن تۋىستارىنا كوڭىل ايتتى.

"جۇماباي شاشتاي ۇلى قازاق ادەبيەتىنە وزىندىك قولتاڭباسىن قالدىرىپ، رۋحانياتىمىزدىڭ دامۋىنا ەلەۋلى ۇلەس قوستى. شىعارمالارى كەڭىنەن ناسيحاتتالىپ، وقىرمان تاراپىنان جوعارى باعالاندى. ونەگەلى عۇمىر كەشكەن جۇماباي شاشتاي ۇلىنىڭ ەسىمى مەن جارقىن بەينەسى حالقىمىزدىڭ جۇرەگىندە ماڭگى ساقتالادى. مارقۇمنىڭ يمانى سالامات، جانى ءجانناتتا بولسىن"، - دەپ جازىلعان جەدەلحاتتا.

جۇماباي شاشتاي ۇلى "كوممۋنيزم جولى"، "لەنينشىل جاس"، "سوسياليستىك قازاقستان"، "جاس الاش" گازەتتەرىندە، "جالىن" جۋرنالىندا ەڭبەك ەتتى. حالىقارالىق "زامان-قازاقستان" گازەتىنىڭ جانە "قازاق ادەبيەتى" گازەتىنىڭ باس رەداكتورى، سونداي-اق، قازاق راديوسىنىڭ باس رەداكتورى قىزمەتىن اتقاردى.

جازۋشىنىڭ "قىزىن قار"، "جالا مەن نالا"، "جىر جولبارىس"، "ءبىزدىڭ زاماننىڭ اياز ءبيى"، "جاڭعىرىق" اتتى جيناقتارى مەن روماندارى وقىرماننىڭ جۇرەگىنەن ورىن تاپتى.

ق ر مادەنيەت جانە اقپارات مينيسترلىگى دە ءوز زامانىنىڭ قارىمدى قالامگەرى جۇماباي شاشتاي ۇلىنىڭ وتباسى مەن جاقىندارىنا كوڭىل ايتتى.

ۇسىنىلعان
سوڭعى جاڭالىقتار