Aýmaqtyq sottyń bul sheshimin AQSh-tyń Ádilet ministri birden maquldaǵan. Resei Ýkraina jerine basyp kirgeli beri AQSh pen EýroOdaq elderi orys oligarhtarynyń dúnie-múlikterine shekteý salýyn jalǵastyrýda.
– Bizder AQSh-tyń qarjy júiesin ainalyp ótýge tyrysqan, qarjy qymqyrý isimen ainalysqan jáne sanktsiia buzǵan oligarhatardy zań aiasynda jazalaýdy jalǵastyra beremiz, – dedi AQSh-tyń prokýrory Damian Ýiliams.
Al AQSh-tyń Federaldi tergeý biýrosy direktorynyń kómekshisi Maikl Driskoll Reseidiń Ýkrainaǵa ashqan soǵysyn qoldaǵan oligarhtardyń bári jazadan qashyp qutylmaitynyn aitty.
AQSh Qarjy ministriniń quramyndaǵy Sheteldik aktivterdi basqarý basqarmasy (OFAC) arestke alynǵan ushaq Andrei Skochqa tiesili ekenin birneshe firmalardy teksereý barysynda anyqtaǵan.
Orys oligarhynyń Airbus ushaǵynyń naryqtaǵy baǵasy 90 mln dollar eken esterińizge salamyz.
