Oralda Jaiyq ózeni deńgeii kóterilýine bailanysty saiajailardy sý basqan. TJD qazirgi tańda Oral qalasy qaýipsiz aimaqta ekenin málimdedi, - dep habarlaidy Dalanews.kz.
Vedomstvo málimetinshe, Oral qalasyndaǵy sý basýdyń qaýipti deńgeii - 8,5 metr. Al saiajai jaqtaǵy qaýipti deńgei - 6,5 metr. Sol sebepti sáýir aiynyń basynan saiajai turǵyndary aldyn ala qaýipsiz jerge kóshirilgen. Ásirese, 1,2,3 Saiajai, Venera, Rechnik, Stenovik jáne taǵy basqa seriktestik turǵyndary qaýipsiz aimaqqa jetkizildi.
Evakýatsiiadan bas tartqan azamattar quqyq qorǵaý qyzmetkerleriniń kúshimen kóshirilgen. Batys Qazaqstan oblysynda qutqarýshylar táýlik boiy jumystardy jalǵastyryp jatyr.
"Kúndiz saiajai alqaptarynda qalyp qoiǵan adamdardy evakýatsiialaý jumystary júrgizilse, qazirgi ýaqytta olar qaptardy inertti materialdarmen toltyrý jáne tóseý boiynsha jaǵalaýdy qosymsha nyǵaitý jumystaryn júrgizip jatyr", - dedi vedomstvo ókilderi.
BQO Terekti aýdanynda qutqarýshylarmen jáne jergilikti meditsina qyzmetkerimen 2 motorly qaiyqta adam qutqarylǵan.
Qutqarýshylar adamǵa alǵashqy kómek kórsetip, ony jedel járdem qyzmetkerlerine tapsyrdy.
Izdestirý-qutqarý jumystary barysynda Oral qalasynyń mańynda sý basý aimaqtarynan TJM kúshterimen saiajai ýchaskeleriniń 60-tan asa turǵyny metall júzý quraldarymen evakýatsiialandy.
