Túrkistan oblystyq bilim basqarmasy kolej jataqhanasyna qatysty taraǵan aqparatty baqylaýǵa alyp, arnaıy komısıa qurǵanyn málimdedi, dep habarlaıdy Dala News.
Vedomstvo málimetinshe, atalǵan kolejde 1072 stýdent bilim alady, onyń 80-i jataqhanamen qamtylǵan. 23–25 aqpan kúnderi ótetin oblystyq spartakıadaǵa baılanysty jataqhanaǵa qatysýshylardy ýaqytsha ornalastyrý qajettiligi týyndaǵan.
Osyǵan oraı tárbıeshi men vahta qyzmetkerleri stýdentterge aýyzsha usynys bildirgen. Jataqhanada stýdent jigitterdiń ýaqytsha bolmaýyna baılanysty qyzdardan bos bólmelerde tazalyqqa kómek kórsetý suralǵan. Alaıda keıbir stýdentterdiń bas tartýyna baılanysty túsinispeýshilik oryn alǵany aıtyldy.
Qazirgi ýaqytta stýdenttermen jáne olardyń ata-analarymen túsindirý jumystary júrgizilip jatyr. Bilim basqarmasy bilim alýshylardyń quqyqtary men qaýipsizdigin qamtamasyz etý basty nazarda ekenin atap ótti.
Sonymen qatar ishki tártip talaptaryn kúsheıtý jáne mundaı jaǵdaılardyń aldyn alý úshin qosymsha sharalar qabyldanǵan. Jaýapty tulǵalarǵa qatysty zań aıasynda tıisti sheshim qabyldanatyny habarlandy.
