تۇركىستان وبلىستىق ءبىلىم باسقارماسى كوللەدج جاتاقحاناسىنا قاتىستى تاراعان اقپاراتتى باقىلاۋعا الىپ، ارنايى كوميسسيا قۇرعانىن مالىمدەدى، دەپ حابارلايدى Dala News.
ۆەدومستۆو مالىمەتىنشە، اتالعان كوللەدجدە 1072 ستۋدەنت ءبىلىم الادى، ونىڭ 80ء-ى جاتاقحانامەن قامتىلعان. 23–25 اقپان كۇندەرى وتەتىن وبلىستىق سپارتاكياداعا بايلانىستى جاتاقحاناعا قاتىسۋشىلاردى ۋاقىتشا ورنالاستىرۋ قاجەتتىلىگى تۋىنداعان.
وسىعان وراي تاربيەشى مەن ۆاحتا قىزمەتكەرلەرى ستۋدەنتتەرگە اۋىزشا ۇسىنىس بىلدىرگەن. جاتاقحانادا ستۋدەنت جىگىتتەردىڭ ۋاقىتشا بولماۋىنا بايلانىستى قىزداردان بوس بولمەلەردە تازالىققا كومەك كورسەتۋ سۇرالعان. الايدا كەيبىر ستۋدەنتتەردىڭ باس تارتۋىنا بايلانىستى تۇسىنىسپەۋشىلىك ورىن العانى ايتىلدى.
قازىرگى ۋاقىتتا ستۋدەنتتەرمەن جانە ولاردىڭ اتا-انالارىمەن ءتۇسىندىرۋ جۇمىستارى جۇرگىزىلىپ جاتىر. ءبىلىم باسقارماسى ءبىلىم الۋشىلاردىڭ قۇقىقتارى مەن قاۋىپسىزدىگىن قامتاماسىز ەتۋ باستى نازاردا ەكەنىن اتاپ ءوتتى.
سونىمەن قاتار ىشكى ءتارتىپ تالاپتارىن كۇشەيتۋ جانە مۇنداي جاعدايلاردىڭ الدىن الۋ ءۇشىن قوسىمشا شارالار قابىلدانعان. جاۋاپتى تۇلعالارعا قاتىستى زاڭ اياسىندا ءتيىستى شەشىم قابىلداناتىنى حابارلاندى.
