Jastardy rýhtandyrǵan kitap kórmesi
Aitýly basqosýǵa Sh.Ýálihanov atyndaǵy Tarih jáne etnologiia institýtynyń direktory Hangeldi Ábjanov, QazUTÝ Ǵylymi kitaphanasynyń direktory Qapashhan Qusaiynova, Tárbie departamentiniń direktory Aqbota Jeńisqyzy jáne Ál-Mashani atyndaǵy bazalyq bilim berý institýtynyń direktory Rát Shyńdalyuly, belgili tarihshylar Serik Máshimbaev pen Nurǵali Qudaibergenovtar qatysyp kókeide júrgen oilaryn ortaǵa saldy.
Qazaqstannyń bilim berýdi damytýdyń 2011-2020 jyldarǵa arnalǵan memlekettik baǵdarlamasy men Elbasy Nursultan Nazarbaevtyń Qazaqstan halyqyna arnaǵan «Qazaqstan – 2050» strategiiasyda jastar tárbiesine basa kóńil bólingeni barshamyzǵa málim. Óz kezeginde Memleket Basshysy: «Jastardyń boiynda belsendi azamattyq ustanymdy, áleýmettik jaýapkershilikti, otansúigishtik sezimdi, joǵary adamgershilik jáne kóshbasshylyq qasietterdi qalyptastyrý, sapaly bilimge qajettilikti arttyrýǵa baǵyttalǵan negizgi mindetterdi atqarýdyń mańyzy zor», – dep otanshyl jastardy tárbieleý isine airyqsha kóńil bólingen bolatyn. Búginde Prezidenttiń bastmasymen qolǵa alynǵan Qazaq handyǵynyń 550 jyldyq mereitoiyn respýblika kóleminde atap ótý sharasy jastardyń boiyna otanshyldyq sezimin uialatatyn negizgi quralǵa ainaldy desek bolady. Jiyn barsynda sóz alǵan Sh. Ýálihanov atyndaǵy Tarih jáne etnologiia institýtynyń direktory Hangeldi Ábjanov:
– Qazaq handyǵynyń 550 jyldyq mereitoiy aiasynda tól tarihymyzdyń uly qundylyqtaryn qasterlep, ulttyq múddemiz ben qazaqstandyq otansúigishtikti nyǵaitýǵa kúsh salýymyz kerek, – dedi. Óz kezeginde QazUTÝ Ǵylymi kitaphanasynyń direktory Qapashhan Qusaiynova Qazaq handyǵyny 550 jyldyń mereitoiyna orai el aýmaǵynda qazaq tarihyna bailanysty jaryq kórgen kitaptar men zertteý eńbekterdiń bárin jinastyryp, kórme ótkizip jatqanyn alǵa tartty.
– Bizdiń kórmeni tamashalaǵan jastar Qazaq handyǵynyń memlekettik qurylymy qalyptasqan irgeli el bolǵanyna kóz jetkizip, kókirekterin maqtanysh sezimi kernedi. Sondai-aq, jastar Qazaq handyǵyn azýly handar bilese, biler men batyrlar hanǵa tirek bolǵanyn jete túsindi, – dedi.
Jiyn barysynda tarihshylar jinalǵan qaýymǵa qazaq handyǵy belgili bir júiesi bar ornyqty memleket bolǵanyn atap ótti.
N.ÁÝBÁKIR.
