Jambyl oblysynyń Merki aýdanynda jumbaq jaǵdaida qaitys bolǵan 19 jastaǵy Madina Rashidqyzynyń denesine eksgýmatsiia jasaldy. Marqumnyń jaqyndary alǵashqy sot-meditsinalyq saraptamanyń qorytyndysyna kúmán keltirip, qaita zertteý júrgizýdi talap etken, dep habarlaidy dalanews.kz.
Madina Rashidqyzy 2026 jylǵy tamyzda Jambyl oblysynyń Merki aýdanynda kóz jumǵan. Onyń artynda segiz ailyq sábii qalǵan. Marqumnyń jaqyndary qyzdyń ólimine qatysty birqatar suraqtyń áli jaýapsyz qalǵanyn aityp, isti jan-jaqty tergeýdi surap otyr.
Madinanyń denesi Almaty mańynda qaita qazyldy
4 qarashada Almaty mańyndaǵy ziratta marqumnyń denesine eksgýmatsiia jasaldy. Rásimge politsiia qyzmetkerleri men tiisti sala mamandary qatysqan.
Bul týraly marqumnyń otbasynyń múddesin qorǵap júrgen zańger Inga Imanbai málimdedi.
"Jańadan taǵaiyndalǵan saraptama – qaitalama komissiialyq sot-meditsinalyq saraptama. Biz ony Almatyda júrgizýdi suradyq. Sondyqtan búgin jábirlenýshi taraptyń ótinishi boiynsha eksgýmatsiia jasaldy. Óitkeni alǵashqy sot-meditsinalyq saraptamanyń nátijesine senbeimiz", – dedi zańger.
Onyń aitýynsha, qaita saraptama ólimniń naqty sebepteri men mán-jaiyn anyqtaý úshin qajet.
"Barni" táttisine qatysty janjal týraly ne belgili?
Buǵan deiin áleýmettik jelilerde Madinanyń qaitys bolary aldynda otbasynda janjal bolǵany týraly aqparat taraǵan.
Marqumnyń qurbysynyń aitýynsha, erli-zaiyptylar arasyndaǵy kelispeýshilikterdiń biri segiz ailyq balaǵa satyp alynǵan "Barni" táttisine bailanysty týyndaǵan. Sondai-aq qurbysy Madinanyń otbasyndaǵy janjaldarǵa shaǵymdanyp, kúieýinen ketýdi oilaǵanyn málimdegen.
Alaida bul málimetter tergeý barysynda tekserilýge tiis. Jas kelinshektiń ólimine táttige qatysty janjal tikelei sebep bolǵany resmi túrde anyqtalǵan joq.
