2026 jyly «Jastar tájiribesi» jobasy aiasynda 35 jasqa deiingi jumyssyz 25 myń túlekti jumyspen qamtý josparlanyp otyr. Baǵdarlamaǵa qatysýshylar alǵan mamandyǵy boiynsha alǵashqy jumys tájiribesin jinaidy, dep habarlaidy Dalanews.kz.
Tájiribe kezeńinde ár qatysýshyǵa jumys berýshi tarapynan tálimger bekitiledi. Ol kásibi bilim men praktikalyq daǵdylardy meńgerýge kómektesedi.
Jalaqy jumys berýshiler usynatyn málimetter negizinde «Azamattarǵa arnalǵan úkimet» memlekettik korporatsiiasy arqyly ai saiyn tólenedi. Qarajat ekinshi deńgeili bankterde ashylǵan qatysýshylardyń aǵymdaǵy (kartochkalyq) shottaryna aýdarylady.
2026 jyldyń aqpan–naýryz ailarynda joba aiasynda 423 adam jumysqa ornalastyryldy.
Baǵdarlamaǵa qatysýshylar jumysqa ornalasqan mamandyqtar:
medbike/meiirger – 124 adam
zańger – 66 adam
shetel tili muǵalimi – 57 adam
tárbieshi – 47 adam
bastaýysh synyp muǵalimi – 43 adam
