2026 جىلى «جاستار تاجىريبەسى» جوباسى اياسىندا 35 جاسقا دەيىنگى جۇمىسسىز 25 مىڭ تۇلەكتى جۇمىسپەن قامتۋ جوسپارلانىپ وتىر. باعدارلاماعا قاتىسۋشىلار العان ماماندىعى بويىنشا العاشقى جۇمىس تاجىريبەسىن جينايدى، دەپ حابارلايدى Dalanews.kz.
تاجىريبە كەزەڭىندە ءار قاتىسۋشىعا جۇمىس بەرۋشى تاراپىنان تالىمگەر بەكىتىلەدى. ول كاسىبي ءبىلىم مەن پراكتيكالىق داعدىلاردى مەڭگەرۋگە كومەكتەسەدى.
جالاقى جۇمىس بەرۋشىلەر ۇسىناتىن مالىمەتتەر نەگىزىندە «ازاماتتارعا ارنالعان ۇكىمەت» مەملەكەتتىك كورپوراسياسى ارقىلى اي سايىن تولەنەدى. قاراجات ەكىنشى دەڭگەيلى بانكتەردە اشىلعان قاتىسۋشىلاردىڭ اعىمداعى (كارتوچكالىق) شوتتارىنا اۋدارىلادى.
2026 جىلدىڭ اقپان–ناۋرىز ايلارىندا جوبا اياسىندا 423 ادام جۇمىسقا ورنالاستىرىلدى.
باعدارلاماعا قاتىسۋشىلار جۇمىسقا ورنالاسقان ماماندىقتار:
مەدبيكە/مەيىرگەر – 124 ادام
زاڭگەر – 66 ادام
شەتەل ءتىلى ءمۇعالىمى – 57 ادام
تاربيەشى – 47 ادام
باستاۋىش سىنىپ ءمۇعالىمى – 43 ادام
