Shara QR Mádeniet jáne aqparat ministrligi, «Azamattyq bastamalardy qoldaý ortalyǵy» KEAQ qoldaýymen «Almaty stýdentter Aliansy» uiymynyń uiymdastyrýymen «Ules» jobasy aiasynda uiymdastyrylýda.
Bes kúnge sozylatan mentorlyq oqytý baǵdarlamasynda jastar tulǵalyq damý, kásipkerlik, qarjylyq saýattylyq, kásibi baǵdar berý (proforientatsiia), media baǵyttary boiynsha bilimderin shyńdaidy jáne ary qarai igergen bilimderimen óz óńirlerindegi jastarmen bólisedi.
«ÓzgerIS» mentorlyq oqytý baǵdarlamasyna respýblikanyń túkpir-túkpirinen 100 jas qatysýda.
Sharada memleket jáne qoǵam qairatkerleri, infliýenserler men túrli sala mamandary jastarmen kezdesip dáris oqidy. Sonymen qatar jastar sporttyq, shyǵarmashylyq baǵytta jarysatyn bolady. Shara sońynda qatysýshylarǵa oqyǵan baǵyty boiynsha arnaiy sertifikat tabystalady.
«Almaty stýdentter Alians» KQ direktorynyń aitýynsha – baǵdarlamaǵa qatysýǵa 200-dan astam ótinim kelip túsken. Toltyrylǵan saýalnama men motivatsiialyq hattary negizinde 100 jas iriktelip alyndy. Qatysýshylar arasynda stýdent, jastar qyzmetkerleri, ustazdar, kásipkerler jáne túrli sala mamandary bar.
