شارا ق ر مادەنيەت جانە اقپارات مينيسترلىگى، «ازاماتتىق باستامالاردى قولداۋ ورتالىعى» كەاق قولداۋىمەن «الماتى ستۋدەنتتەر اليانسى» ۇيىمىنىڭ ۇيىمداستىرۋىمەن «Ules» جوباسى اياسىندا ۇيىمداستىرىلۋدا.
بەس كۇنگە سوزىلاتان مەنتورلىق وقىتۋ باعدارلاماسىندا جاستار تۇلعالىق دامۋ، كاسىپكەرلىك، قارجىلىق ساۋاتتىلىق، كاسىبي باعدار بەرۋ (پروفوريەنتاسيا)، مەديا باعىتتارى بويىنشا بىلىمدەرىن شىڭدايدى جانە ارى قاراي يگەرگەن بىلىمدەرىمەن ءوز وڭىرلەرىندەگى جاستارمەن بولىسەدى.
«وزگەرIS» مەنتورلىق وقىتۋ باعدارلاماسىنا رەسپۋبليكانىڭ تۇكپىر-تۇكپىرىنەن 100 جاس قاتىسۋدا.
شارادا مەملەكەت جانە قوعام قايراتكەرلەرى، ينفليۋەنسەرلەر مەن ءتۇرلى سالا ماماندارى جاستارمەن كەزدەسىپ ءدارىس وقيدى. سونىمەن قاتار جاستار سپورتتىق، شىعارماشىلىق باعىتتا جارىساتىن بولادى. شارا سوڭىندا قاتىسۋشىلارعا وقىعان باعىتى بويىنشا ارنايى سەرتيفيكات تابىستالادى.
«الماتى ستۋدەنتتەر اليانس» كق ديرەكتورىنىڭ ايتۋىنشا – باعدارلاماعا قاتىسۋعا 200-دان استام ءوتىنىم كەلىپ تۇسكەن. تولتىرىلعان ساۋالناما مەن موتيۆاسيالىق حاتتارى نەگىزىندە 100 جاس ىرىكتەلىپ الىندى. قاتىسۋشىلار اراسىندا ستۋدەنت، جاستار قىزمەتكەرلەرى، ۇستازدار، كاسىپكەرلەر جانە ءتۇرلى سالا ماماندارى بار.
