Jyl basynan beri Qazaqstanda jasóspirimder qylmysy 30%-ǵa tómendedi,dep habarlaidy Dalanews.kz.
Bul týraly Qazaqstan Respýblikasy Ishki ister ministrligi Ákimshilik politsiia komiteti tóraǵasynyń orynbasary Ǵalym Sarǵulov Ortalyq kommýnikatsiialar qyzmeti alańynda ótken baspasóz konferentsiiasynda málimdedi.
«Árbir mektepke politsiia qyzmetkerleri bekitilgen. Bul quqyq buzýshylyqtardy der kezinde anyqtaýǵa múmkindik beredi. Balalardyń quqyqtyq sanasyn arttyrýǵa erekshe nazar aýdarylady. “Erlik sabaǵy” tárbie saǵattary men jeke qaýipsizdikke arnalǵan sabaqtar ótkiziledi. Qabyldanǵan sharalardyń nátijesinde kámeletke tolmaǵandar arasyndaǵy quqyq buzýshylyqtar 30%-ǵa, al jynystyq qol suǵylmaýshylyqqa qarsy qylmystar 2,1%-ǵa azaidy», – dedi Sarǵulov.
Spikerdiń aitýynsha, júieli profilaktika júrgizý maqsatynda 2026–2030 jyldarǵa arnalǵan «Balalar Qazaqstany» tujyrymdamasy ázirlenip, bekitilgen. Qujat aiasynda profilaktikalyq aktsiialar, turǵylyqty jeri boiynsha tekserýler, mektepterde dárister ótkizý, sondai-aq «Túngi qaladaǵy balalar» jáne «Jasóspirim» jedel-profilaktikalyq is-sharalary qarastyrylǵan.
IIM ókilderi kámeletke tolmaǵandardyń qaýipsizdigin qamtamasyz etý baǵytyndaǵy jumys turaqty negizde jalǵasatynyn atap ótti.
