Qonaev qalasynda «Taza Qazaqstan» aktsiiasy jalǵasýda. Atalǵan ekonaýqannyń aiasynda shahardaǵy saiabaqtarǵa, eskertkishterdiń mańyna, kóshe boiyna 70 myń gúl egildi. Bul týraly «Jasyl qala Qonaev» memlekettik kommýnaldyq kásipornynyń basshysy Mark Beidali málimdedi.
Sondai-aq ol kásiporynnyń jyl basynan beri 500-den astam aǵash otyrǵyzǵanyn atap ótti. Jasyl jelekterdiń kútimi de erekshe.
«Barlyq aǵashty kútip ustaý, jersindirý maqsatynda olardy dárýmendermen sýaryp jatyrmyz. Mikroelementterdiń adam densaýlyǵyna eshqandai ziiany joq, allergiia týdyrmaidy», – dedi Mark Beidali.
Kásiporyn direktorynyń sózinshe, qala tazalyǵyn saqtaýǵa kúndelikti 150 adam men 25 tehnika jumyldyrylady.
«Aǵashtardy sanitarly kesýmen de ainalysamyz. Ol úshin turǵyndar páter ieleri kooperativterine ótinish tastaýy qajet. Keiinnen sol ótinishter boiynsha keste ázirlenip, jumys atqarylady», – dedi mekeme basshysy.
Aita keteiik, «Taza Qazaqstan» aktsiiasyndaǵy bes aptalyqqa 22 830 turǵyn qatysyp, 2251 aǵash otyrǵyzylǵan bolatyn.
