جاسىل قالا قونايەۆ: قالادا 70 مىڭ گۇل ەگىلدى

Dalanews 29 مام. 2024 17:17 413

قونايەۆ قالاسىندا «تازا قازاقستان» اكسياسى جالعاسۋدا. اتالعان ەكوناۋقاننىڭ اياسىندا شاھارداعى ساياباقتارعا، ەسكەرتكىشتەردىڭ ماڭىنا، كوشە بويىنا 70 مىڭ گۇل ەگىلدى. بۇل تۋرالى  «جاسىل قالا قونايەۆ» مەملەكەتتىك كوممۋنالدىق كاسىپورنىنىڭ باسشىسى مارك بەيدالي مالىمدەدى. 

سونداي-اق ول كاسىپورىننىڭ جىل باسىنان بەرى 500-دەن استام اعاش وتىرعىزعانىن اتاپ ءوتتى. جاسىل جەلەكتەردىڭ كۇتىمى دە ەرەكشە.

«بارلىق اعاشتى كۇتىپ ۇستاۋ، جەرسىندىرۋ ماقساتىندا ولاردى دارۋمەندەرمەن سۋارىپ جاتىرمىز. ميكروەلەمەنتتەردىڭ ادام دەنساۋلىعىنا ەشقانداي زيانى جوق، اللەرگيا تۋدىرمايدى»، – دەدى مارك بەيدالي.

كاسىپورىن ديرەكتورىنىڭ سوزىنشە، قالا تازالىعىن ساقتاۋعا كۇندەلىكتى 150 ادام مەن 25 تەحنيكا جۇمىلدىرىلادى.

«اعاشتاردى سانيتارلى كەسۋمەن دە اينالىسامىز. ول ءۇشىن تۇرعىندار پاتەر يەلەرى كووپەراتيۆتەرىنە ءوتىنىش تاستاۋى قاجەت. كەيىننەن سول وتىنىشتەر بويىنشا كەستە ازىرلەنىپ، جۇمىس اتقارىلادى»، – دەدى مەكەمە باسشىسى.

ايتا كەتەيىك، «تازا قازاقستان» اكسياسىنداعى بەس اپتالىققا 22 830 تۇرعىن قاتىسىپ، 2251 اعاش وتىرعىزىلعان بولاتىن.


ۇسىنىلعان
سوڭعى جاڭالىقتار