Sot sheshimimen Almatynyń Medeý aýdanyndaǵy Bekenbai ózeni arnasynyń sý qorǵaý aimaǵynda ornalasqan (Muztaý shaǵynaýdany, burynǵy Býtakovka) jalpy aýmaǵy 7,7 gektardan asatyn 17 jer ýchaskesi memleket menshigine qaitaryldy, dep habarlaidy dalanews.kz.
Almaty qalasy ákimdiginiń jerdi paidalaný máselesine júrgizip otyrǵan júieli monitoring jumystarynyń arqasynda jer telimderi memleket menshigine qaitaryldy. Tekserý barysynda atalǵan jer ýchaskelerindegi jyljymaityn múlik nysandarynyń kadastrlyq tólqujattaryn rásimdeý kezinde zańbuzýshylyqtar anyqtaldy.
Tekserý qorytyndysy boiynsha Almaty qalasynyń Jer resýrstaryn basqarý departamenti 17 jer ýchaskesine qatysty sáikestendirý qujattarynyń kúshin joiý týraly nusqama shyǵardy. Alaida nusqama talaptary oryndalmaǵandyqtan, departament Almaty qalasynyń mamandandyrylǵan aýdanaralyq ekonomikalyq sotyna talap-aryzben júgindi.
Sot talap-aryzdy tolyq kólemde qanaǵattandyrdy. Sot sheshimi zańdy kúshine engennen keiin jer telimderi memleket menshigine qaitaryldy.
Almaty qalasynyń ákimdigi qoldanystaǵy zańnama talaptaryna sáikes zańsyz rásimdelgen jer ýchaskelerin anyqtaý jáne olardy memleket menshigine qaitarý jumystaryn jalǵastyryp jatyr.
