Fotosýret – ýaqyt kapsýlasy ispetti. Keide ol tańǵalarlyq oqiǵalardyń syryn ashady. Osyndai jaǵdai Rimdegi pitstseriialardyń birinde bolǵan. Onda qazaqstandyq boijetken Qazaqstan prezidenti Qasym-Jomart Toqaevtyń erekshe sýretin kórsetken er adammen tanysqan, dep habarlaidy dalanews.kz.
Tengrinews.kz basylymynyń WhatsApp nómirine 2025 jyly oqyrman Jazira Saǵyndyqova habarlasyp, qyzyqty oqiǵany aityp berdi. Onyń 18 jastaǵy qyzy Janel Shaimanova qazir Rimdegi Sapientsa italiialyq memlekettik ýniversitetiniń óner jáne gýmanitarlyq ǵylymdar fakýltetinde oqidy.
2024 jylǵy 10 jeltoqsanda Janel jergilikti pitstseriiaǵa tamaqtanýǵa kirgen. Sol jerde ony erekshe tosynsyi kútip turǵan. Qyzdyń qazaq tilinde sóilegenin estigen mekeme iesi óziniń de qazaq tilin biletinin maqtanyshpen aitqan. Buǵan qosa, ol jas kezinde Qazaqstan prezidenti Qasym-Jomart Toqaevpen birge fýtbol komandasynda oinaǵanyn kórsetetin fotosýretti kórsetken.
Oqyrman usynǵan sýrette Toqaev joǵarǵy qatardyń ortasynda, sary formada tur. Al bolashaq pitstseriia iesi onyń sol jaǵynda, aq formada beinelengen.
"Bul sát qyzymnyń janyn Qazaqstanǵa degen maqtanysh sezimine bóledi. Sonymen qatar sporttyń kóshbasshylar ómirindegi mańyzdy róli týraly oi saldy. Bir qyzyǵy, pitstseriia iesi buryn Qazaqstandaǵy Italiia ókildiginde 9 jyl jumys istegen eken. Bul álemniń qanshalyqty tyǵyz bailanysty ekenin taǵy bir dáleldeidi", – dedi Jazira.
Janeldiń aitýynsha, pitstseriia iesi biraz ýaqyt Almatyda da turǵan.
"Ol kez kelgen nárseniń jaqsy jaǵyn taba bilý kerek ekenin aitty", – dedi boijetken.
