Press-týrǵa Túrkistan oblysy ákiminiń orynbasary Ulan Tájibaev, Túrkistan oblysynyń tabiǵi resýrstar jáne tabiǵat paidalanýdy retteý basqarmasynyń basshysy Qairat Ábdýaliev, Túrkistan qalasynyń ákimi Nurbol Turashbekov pen qala aqsaqaldary qatysty.
«Jasyl beldeý» aimaǵyn alǵashynda 7 700 gektarǵa qurý josparlansa, qazir ol meje 13 629 gektarǵa jetip, atalǵan aimaqta kóshetter kútip-baptalýda. Press týr barysynda qala turǵyndaryna shahar ainalasyndaǵy jasyl aimaq pen bolashaq demalys oryndarynyń syzbasy tanystyryldy.
Búginde Túrkistan qalasynyń ekologiialyq jaǵdaiyn jaqsartý maqsatynda qala aýmaǵynda saiabaqtar men alleialardyń kólemi artyp, 495 gektarǵa jetken. Aryq-atyzdar qalpyna keltirilip, jasyl jelek kóptep egilýde. Oǵan qosa qala aýmaǵynda kógaldandyrýdyń jańa tehnologiialaryn qoldaný nátijesinde kóshetterdiń ónimdiligi artqan.
Arnaiy shara barysynda qala ishindegi jelilik saiabaqtardan bólek, Shoitóbe podstantsiiasy men Kentaý tas joly boiyndaǵy «Jasyl beldeý» aimaǵyndaǵy kóshetterdiń ónimdiligi kórsetildi. Sonymen qatar, press týr aiasynda turǵyndar men jýrnalister jýyrda tolyq paidalanýǵa beriletin «Shaǵa» jaǵajai sý aidyny men «Eskek esý» kanalymen tanysty.
