Jansai Ábdimálik shahmat akademiiasynyń arnaiy tobynan qatysqan Danis Qýandyquly "10 jasqa deiingi" jas sanatynda óner kórsetti. 11 týrdyń qorytyndysy boiynsha Danis 9 upai jinap, birde-bir oiynda jeńilmegen. Atap aitqanda, ol 7 ret jeńiske jetip, 4 ret teń túsken. Qorytyndy kestede Danis AQSh, Resei jáne Qytaidan kelgen myqty shahmatshylardan basym turdy.
Danis Qýandyqulynyń jetistigi – elimiz úshin tarihi oqiǵa. Sebebi buǵan deiin uldar álem chempionatynda shahmattan altyn almaǵan.
Osylaisha, 10 jasar ziiatker sport sheberine úmitker atanyp, óz jas sanatynda Almaty men Qazaqstannyń chempiony boldy.
"Qazaqmys Korporatsiiasy" JShS – Almaty shahmat federatsiiasynyń demeýshileriniń biri. Endi kompaniia basshylyǵy Ulytaý óńiri men Balqash qalasynda shahmat akademiialaryn ashýdy josparlap otyr. Kompaniia Danis Qýandyqulyn laiyqty jeńisimen quttyqtady.
