Jas otbasy memleket qoldaýyna arqa súieidi
Elbasy Nursultan Ábishuly Nazarbaev «Qazaqstan 2020: bolashaqqa jol» Qazaqstan Respýblikasy memlekettik jastar saiasatynyń 2020 jylǵa deiingi tujyrymdamasynda «Qazaqstanda otbasy árqashan áleýmettiń asa mańyzdy quraýshy elementi retinde qarastyrylyp keledi. Ol qoǵam bolmysynyń, memlekettiń negizi, adaldyq, adamgershilik jáne rýhani úilesim júiesindegi mańyzdy býyn bolyp tabylady» dep atap kórsetken bolatyn. Buǵan kýá retinde Úkimet bastaýymen júzege asyrylyp jatqan otbasy qundylyǵyn dáripteýge jáne olarǵa áleýmettik qoldaý kórsetýge baǵyttalǵan birneshe is-sharalardy aitýǵa bolady.
Zamanaýi otbasy áleýmettik-saiasi jaǵdailardyń jáne otbasy músheleriniń ózara psihologiialyq qarym-qatynastarynyń kúrdelenýi negizinde árqashan ózgermeli bolyp keledi. Elimizdegi erekshe qoldaý men áleýmettik kómekke zárý otbasylardyń qataryna birinshi kezekte jas otbasy shyǵady. Jas otbasylarǵa memleket tarapynan kórsetiletin áleýmettik kómek – bul memleketimizdiń áleýmettik saiasatyndaǵy mańyzdy aspektisi bolyp tabylady.
Jas otbasylarǵa qoldaý kórsetý maqsatynda Qazaqstan Respýblikasy zannamasymen bekitilgen ortalyq jáne jergilikti memlekettik organdar salalyq jáne aimaqtyq baǵdarlamalardy ázirlep júzege asyrýda. Búgingi tańda jas otbasylardy qoldaý, sonymen qatar januiany saqtap qalý úshin memleket tarapynan kelesidei sharalar júrgizilýde:
- «Óńirlerdi damytýdyń 2020» baǵdarlamasynda «Jas otbasylarǵa arnalǵan turǵyn-úi» baǵyty;
- «Jumyspen qamtý 2020 jol kartasy» jáne «Biznestiń jol kartasy 2020» baǵdarlamalarynda jastardy jumyspen qamtamasyz etý joldary;
- QR «Memlekettik jastar saiasaty týraly» zańymen jas otbasylarǵa jeńildikpen nesie alý múmkindigi;
- Bala kútimi boiynsha otbasyly stýdentterge akademiialyq demalys berý;
- Jas otbasylarǵa otbasy ómiriniń problemalary, júktilikti josparlaý, bala kútý máseleleri boiynsha áleýmettik-pedagogikalyq keńes berý;
- Bala men anaǵa memlekettik kepildendirilgen meditsinalyq kómek kórsetý;
- Jas otbasy máselelerimen ainalysatyn jáne áleýmettik qyzmet kórsetetin keńes berý ortalyqtarynyń damýy;
- Balalar men otbasylardyń bos ýaqytyn uiymdastyrý men salaýatty ómir súrýge baǵyttalǵan uiymdardyń jyldan-jylǵa ulǵaiýy;
- Baspanaǵa muqtaj januialy stýdentterge jataqhanadan otbasylyq úlgidegi bólme bólý;
- Mektepke deiingi uiymdardyń damýy;
- Memlekettik qundylyqtardy qurmetteý men negizgi ideialardy dáripteýge baǵyttalǵan jas otbasylar arasynda sharalalar men baiqaýlar ótkizý (ár jyldyń 8 qyrkúiegi – Otbasy kúni, «Mereili otbasy» Ulttyq baiqaýy).
Osylaisha qazirgi kezeńde memleket úshin jas otbasylarǵa qoldaý men kómek kórsetý jumystary aldyńǵy kezekte turǵany baiqalady. Sebebi otbasy myńjylydyqtar men ǵasyrlardan beri árbir qoǵamnyń urpaqtan-urpaqqa jalǵasqan moraldyq salttyn, ulttyq dástúrin saqtaýshysy bolyp tabylady. Al jas otbasy bolsa dástúrli qundylyqtardy dáripteitin, patriotizm sezimderin nyǵaitatyn, Otannyń órkendeýine degen máńgilik qamqorlyqty qamtamasyz etetin basty qainar kóz.
Farida MUSATAEVA, gýmanitarlyq ǵylymdardyń magistri
