– «Nazarbaev Ziiatkerlik mektepteri» DBBU-nyń birlesken ashyq sabaqty ótkizý ideiasyn mektebimizdiń «Aǵylshyn tili» ádistemelik birlestigi qulshynyspen qabyldady. Áriptesimiz Nazym Maqsutqyzy úndi mektebimen kelisim júrgizip, sabaq josparyn ázirledi. Bizdiń tarapymyzdan 12 synyp oqýshylary qatysyp, elimizdiń ótkeni men búgini, álemdik arenadaǵy oryny, respýblikamyzdaǵy ultaralyq tatýlyq, Semei synaq poligony, «Bolashaq» halyqaralyq baǵdarlamasy, Ziiatkerlik mektepter jaiynda mol maǵlumat aitty. Tipten, ulttyq aspaptarymyz jaily da qyzyqty derekter keltire otyryp, syi retinde kúi tartyldy, – dedi aǵylshyn tili pániniń muǵalimi Ásel Dúisenbaeva.
Sabaqtyń ekinshi jartysynda kezek úndistandyq áriptesterge berilip, olar óz elderiniń tarihy, Táýelsizdikke qol jetkizý, ótken jáne búgingi ǵasyrdaǵy bilim berý isi jaily aqparattarymen bólisti. Jalpy Úndistandyq mekteppen aradaǵy áriptestik 2017 jyly ornaǵan. Tárbielik mańyzy zor shara qos tarap oqýshylarynyń kóńilinen shyǵyp, aldaǵy ýaqytta da qatynastyń úzilmeitindigine senim bildirdi.
