بۇل ەكى مەملەكەتتىڭ تاريحى، مادەنيەتى، تۇرمىس-تىرشىلىگى، دامۋ جولدارىنان جاقىنىراق بىلۋگە مۇمكىندىك بەردى.
– «نازاربايەۆ زياتكەرلىك مەكتەپتەرى» دببۇ-نىڭ بىرلەسكەن اشىق ساباقتى وتكىزۋ يدەياسىن مەكتەبىمىزدىڭ «اعىلشىن ءتىلى» ادىستەمەلىك بىرلەستىگى قۇلشىنىسپەن قابىلدادى. ارىپتەسىمىز نازىم ماقسۇت قىزى ءۇندى مەكتەبىمەن كەلىسىم جۇرگىزىپ، ساباق جوسپارىن ازىرلەدى. ءبىزدىڭ تاراپىمىزدان 12 سىنىپ وقۋشىلارى قاتىسىپ، ەلىمىزدىڭ وتكەنى مەن بۇگىنى، الەمدىك ارەناداعى ورىنى، رەسپۋبليكامىزداعى ۇلتارالىق تاتۋلىق، سەمەي سىناق پوليگونى، «بولاشاق» حالىقارالىق باعدارلاماسى، زياتكەرلىك مەكتەپتەر جايىندا مول ماعلۇمات ايتتى. تىپتەن، ۇلتتىق اسپاپتارىمىز جايلى دا قىزىقتى دەرەكتەر كەلتىرە وتىرىپ، سىي رەتىندە كۇي تارتىلدى، – دەدى اعىلشىن ءتىلى ءپانىنىڭ ءمۇعالىمى اسەل دۇيسەنبايەۆا.
ساباقتىڭ ەكىنشى جارتىسىندا كەزەك ءۇندىستاندىق ارىپتەستەرگە بەرىلىپ، ولار ءوز ەلدەرىنىڭ تاريحى، تاۋەلسىزدىككە قول جەتكىزۋ، وتكەن جانە بۇگىنگى عاسىرداعى ءبىلىم بەرۋ ءىسى جايلى اقپاراتتارىمەن ءبولىستى. جالپى ءۇندىستاندىق مەكتەپپەن اراداعى ارىپتەستىك 2017 جىلى ورناعان. تاربيەلىك ماڭىزى زور شارا قوس تاراپ وقۋشىلارىنىڭ كوڭىلىنەن شىعىپ، الداعى ۋاقىتتا دا قاتىناستىڭ ۇزىلمەيتىندىگىنە سەنىم ءبىلدىردى.
