Jas mamandar sany artyp keledi
S.J.Asfendiiarov atyndaǵy Qazaq ulttyq meditsina ýniversitetinde «Jalpy tájiribeli dáriger» mamandyǵy boiynsha bilim alǵan ol, oqýyn aiaqtaǵan soń eńbek jolyn aýyldan bastaýdy qup kórgen. «Búginde meditsina salasy qaryshtap damyp kele jatqandyqtan, ondaǵy jańashyldyqtardy ásirese jastar jaqsy túsinedi. Sonymen qatar, joǵarǵy bilimdi mamandar aýyldy jerlerge óte qajet. Munda úlken tájiribe jinap, bilikti dáriger bolyp qalyptasýǵa múmkindik te kóp. Sondyqtan, qolǵa diplom tiisimen týǵan jerge jumysqa turýǵa asyqtyq. Sátin salǵanda, «Diplommen aýylǵa» aýylǵa baǵdarlamasymen der kezinde tanysyp, sol arqyly Shý aýdanynyń ortalyq aýrýhanasyna jumysqa ornalastym» - deidi Edige Bolatbekuly.Qazirgi tańda atalmysh baǵdarlamanyń arqasynda turaqty jumyspen qamtylǵan jas maman alǵashqy jyly 120 myń teńge kóleminde jeńildetilgen kóterme járdemaqyǵa ie bolǵan. Sonymen birge, 2016 jyly aýdan ortalyǵynan úi alý úshin kezekke de turǵan. Endi mine, aýdandyq ortalyq aýrýhanada kúndizgi bólim dárigeri bolyp qyzmet atqaryp júrip, ústimizdegi jyly atalmysh baǵdarlamanyń arqasynda úili-jaily bolyp otyr.
Álbette, jastar aýyldyń tirshiligimen, ondaǵy turǵyndardyń ómirimen tanys bolǵany durys. Ótkeni, búgin aýylda eńbek etip júrgen jas býyn, erteń-aq bilik basynda otyrýy ábden múmkin. Ol qabyldaǵan sheshim qalalyq jerde qalai, aýyldyq jerde qalai júzege asatyndyǵyn bilýi qajet. Aýyrdyń astymen, jeńildiń ústimen júrgen mamandy ǵana tájiribelilerdiń qataryna jatqyzýǵa bolady. Demek, «Diplommen aýylǵa» baǵdarlamasy mamandardy jumyspen qamtyp qana qoimai, olardyń biliktilige qatysty da kózge kórine bermeitin, dese de mańyzy zor máselelerdiń sheshimin tabýǵa yqpal etip otyr deýge bolady. Bir qýanarlyǵy, búgingi kúni el jastary úshin igiligi mol baǵdarlamanyń tiimdiligin túsingen jastardyń qatary jyl sanap artyp keledi. Mysaly, Shý aýdanynda ótken jyly dál osy baǵdarlamanyń arqasynda 30 mamanǵa bas-aiaǵy 5 million 99 myń teńge qarajat bólingen. Dálirek aitqanda, ár mamanǵa 168350 teńge kóleminde qarjy qaralyp otyr. Olardyń 7-ýi densaýlyq salasy, 20-y bilim salasy, 2-ýi veterinariia salasy, 1 maman mádeniet salasy boiynsha jumysqa ornalasqan. Al, turǵyn úi satyp alý boiynsha aǵymdaǵy jyly 49 mamanǵa jalpy kólemi 178 million 458 myń teńge kóleminde biýdjettik nesiege qol jetkizgen.
Qajetti bilimdi meńgergen, aýyldyń abyroiyn kóteretin, ómirin ózgertetin jigerli jas qashan da tabylady. Sonymen qatar, sol aýyldan shyqsańyz tipti jaqsy. Aýyldyń əleýmetine qanyq, jaǵdaiyna jetik bola turyp, sol eldiń erteńi úshin aianbai eńbek etý siz ben bizge mindet. Jany otansúigishtik sezimine sýsyndaǵan, boiyna ultjandylyq qasieti daryǵan jas óren uly isterdi jasaýǵa daiar. Mine, týǵan jeriniń túleýin oilap, alǵan bilimi men biligin jerlesterine jumsap júrgen osyndai mamandardyń qatary artsa, elimizdiń bolashaǵy da jarqyn bolary sózsiz.
