جاس ماماندار سانى ارتىپ كەلەدٸ
س.ج.اسفەنديياروۆ اتىنداعى قازاق ۇلتتىق مەديتسينا ۋنيۆەرسيتەتٸندە «جالپى تەجٸريبەلٸ دەرٸگەر» ماماندىعى بويىنشا بٸلٸم العان ول, وقۋىن اياقتاعان سوڭ ەڭبەك جولىن اۋىلدان باستاۋدى قۇپ كٶرگەن. «بٷگٸندە مەديتسينا سالاسى قارىشتاپ دامىپ كەلە جاتقاندىقتان, ونداعى جاڭاشىلدىقتاردى ەسٸرەسە جاستار جاقسى تٷسٸنەدٸ. سونىمەن قاتار, جوعارعى بٸلٸمدٸ ماماندار اۋىلدى جەرلەرگە ٶتە قاجەت. مۇندا ٷلكەن تەجٸريبە جيناپ, بٸلٸكتٸ دەرٸگەر بولىپ قالىپتاسۋعا مٷمكٸندٸك تە كٶپ. سوندىقتان, قولعا ديپلوم تيٸسٸمەن تۋعان جەرگە جۇمىسقا تۇرۋعا اسىقتىق. سەتٸن سالعاندا, «ديپلوممەن اۋىلعا» اۋىلعا باعدارلاماسىمەن دەر كەزٸندە تانىسىپ, سول ارقىلى شۋ اۋدانىنىڭ ورتالىق اۋرۋحاناسىنا جۇمىسقا ورنالاستىم» - دەيدٸ ەدٸگە بولاتبەكۇلى.قازٸرگٸ تاڭدا اتالمىش باعدارلامانىڭ ارقاسىندا تۇراقتى جۇمىسپەن قامتىلعان جاس مامان العاشقى جىلى 120 مىڭ تەڭگە كٶلەمٸندە جەڭٸلدەتٸلگەن كٶتەرمە جەردەماقىعا يە بولعان. سونىمەن بٸرگە, 2016 جىلى اۋدان ورتالىعىنان ٷي الۋ ٷشٸن كەزەككە دە تۇرعان. ەندٸ مٸنە, اۋداندىق ورتالىق اۋرۋحانادا كٷندٸزگٸ بٶلٸم دەرٸگەرٸ بولىپ قىزمەت اتقارىپ جٷرٸپ, ٷستٸمٸزدەگٸ جىلى اتالمىش باعدارلامانىڭ ارقاسىندا ٷيلٸ-جايلى بولىپ وتىر.
ەلبەتتە, جاستار اۋىلدىڭ تٸرشٸلٸگٸمەن, ونداعى تۇرعىنداردىڭ ٶمٸرٸمەن تانىس بولعانى دۇرىس. ٶتكەنٸ, بٷگٸن اۋىلدا ەڭبەك ەتٸپ جٷرگەن جاس بۋىن, ەرتەڭ-اق بيلٸك باسىندا وتىرۋى ەبدەن مٷمكٸن. ول قابىلداعان شەشٸم قالالىق جەردە قالاي, اۋىلدىق جەردە قالاي جٷزەگە اساتىندىعىن بٸلۋٸ قاجەت. اۋىردىڭ استىمەن, جەڭٸلدٸڭ ٷستٸمەن جٷرگەن ماماندى عانا تەجٸريبەلٸلەردٸڭ قاتارىنا جاتقىزۋعا بولادى. دەمەك, «ديپلوممەن اۋىلعا» باعدارلاماسى مامانداردى جۇمىسپەن قامتىپ قانا قويماي, ولاردىڭ بٸلٸكتٸلٸگە قاتىستى دا كٶزگە كٶرٸنە بەرمەيتٸن, دەسە دە ماڭىزى زور مەسەلەلەردٸڭ شەشٸمٸن تابۋعا ىقپال ەتٸپ وتىر دەۋگە بولادى. بٸر قۋانارلىعى, بٷگٸنگٸ كٷنٸ ەل جاستارى ٷشٸن يگٸلٸگٸ مول باعدارلامانىڭ تيٸمدٸلٸگٸن تٷسٸنگەن جاستاردىڭ قاتارى جىل ساناپ ارتىپ كەلەدٸ. مىسالى, شۋ اۋدانىندا ٶتكەن جىلى دەل وسى باعدارلامانىڭ ارقاسىندا 30 مامانعا باس-اياعى 5 ميلليون 99 مىڭ تەڭگە قاراجات بٶلٸنگەن. دەلٸرەك ايتقاندا, ەر مامانعا 168350 تەڭگە كٶلەمٸندە قارجى قارالىپ وتىر. ولاردىڭ 7-ۋٸ دەنساۋلىق سالاسى, 20-ى بٸلٸم سالاسى, 2-ۋٸ ۆەتەرينارييا سالاسى, 1 مامان مەدەنيەت سالاسى بويىنشا جۇمىسقا ورنالاسقان. ال, تۇرعىن ٷي ساتىپ الۋ بويىنشا اعىمداعى جىلى 49 مامانعا جالپى كٶلەمٸ 178 ميلليون 458 مىڭ تەڭگە كٶلەمٸندە بيۋدجەتتٸك نەسيەگە قول جەتكٸزگەن.
قاجەتتٸ بٸلٸمدٸ مەڭگەرگەن, اۋىلدىڭ ابىرويىن كٶتەرەتٸن, ٶمٸرٸن ٶزگەرتەتٸن جٸگەرلٸ جاس قاشان دا تابىلادى. سونىمەن قاتار, سول اۋىلدان شىقساڭىز تٸپتٸ جاقسى. اۋىلدىڭ əلەۋمەتٸنە قانىق, جاعدايىنا جەتٸك بولا تۇرىپ, سول ەلدٸڭ ەرتەڭٸ ٷشٸن ايانباي ەڭبەك ەتۋ سٸز بەن بٸزگە مٸندەت. جانى وتانسٷيگٸشتٸك سەزٸمٸنە سۋسىنداعان, بويىنا ۇلتجاندىلىق قاسيەتٸ دارىعان جاس ٶرەن ۇلى ٸستەردٸ جاساۋعا دايار. مٸنە, تۋعان جەرٸنٸڭ تٷلەۋٸن ويلاپ, العان بٸلٸمٸ مەن بٸلٸگٸن جەرلەستەرٸنە جۇمساپ جٷرگەن وسىنداي مامانداردىڭ قاتارى ارتسا, ەلٸمٸزدٸڭ بولاشاعى دا جارقىن بولارى سٶزسٸز.
