Búgin Abaı atyndaǵy Qazaq Ulttyq pedagogıkalyq ýnıversıteti «Rýhanı jańǵyrý – bolashaqqa baǵdar» memlekettik baǵdarlamasynyń ýnıversıtettik jyldyq jospary aıasynda, 1-4 kýrs bilim alýshy stýdentter men magıstranttarǵa arnalǵan – «Jas avtor» ádebı-shyǵarmashylyq konkýrsynyń saltanatty túrde marapattaý rásimi ótti, – dep habarlaıdy Dalanews.kz.

Stýdent jastardyń balalarǵa arnap jazǵan áńgime, ertegi men novelalaryn Fılologıa jáne kóptildi bilim berý ınstıtýty jáne «Hákim Abaı» Ǵylymı zertteý ortalyǵy mamandarymen tekserip, júldeli oryndaryn anyqtady.

Baıqaý nátıjesinde, III oryndy Fılologıa jáne kóptildi bilim berý ınstıtýtynyń 3 kýrs stýdenti Raýan Ábýbikirova ıelense, II oryndy atalǵan ınstıtýttyń 4 kýrs stýdenti Baǵyp Nurlybek ıelendi.

Al júldeli I oryndy Óner, mádenıet jáne sport ınstıtýtynyń 2 kýrs stýdenti, jas qalamger Zarına Mádıqyzy qanjyǵasyna baılady.

«Úzdik talpynys» nomınasıasynyń júldesine Fılologıa jáne kóptildi bilim berý ınstıtýtynyń 4 kýrs stýdenti Aqsuńqar Almahannyń shyǵarmasy laıyq dep tanyldy. Baıqaýdyń júldeli shyǵarmalary arnaıy jınaq kitapqa toptaý josparlanyp otyr.

Jeńimpazdar ýnıversıtet rektorynyń dıplomymen jáne «Jazǵy rýhanı lager» jobasymen maýsym aıynyń 20-25 ótetin Abaı eline tanymdyq ekspedısıasyna tegin qatysatyn joldamaǵa ıe boldy. Júldeli oryndardy tabystaý rásimin Áleýmettik damý jónindegi prorektory Shyńǵys Nurlanovtyń qatysýymen júzege asty.