Kósheler men alańdardyń tazalyǵy bir kúndik is-sharalarmen shektelmei, únemi nazar aýdarýdy qajet etedi. Bul «Taza Qazaqstan» ekologiialyq aktsiiasynyń basty maqsaty – barlyq turǵyndardyń nazaryn ekologiiany qorǵaýǵa, tazalyqty saqtaýǵa aýdarý, – dep habarlaidy Dalanews.kz Abai oblysy ákiminiń baspasóz qyzmetine silteme jasap.
Abai oblysy Jarma aýdanynda ekologiialyq is-sharalardy ótkizý jalǵasýda. Sondai bastamalardyń biri – Jańǵyztóbe kentinde ótken «Ekologiialyq mádeniet tazalyqtan bastalady» sharasy.
Aýdannyń 2,5 myńǵa jýyq halqy bar eń iri eldi mekenderiniń biri bolyp tabylatyn temirjol torabynyń boiynda ornalasqan kent arqyly kóptegen jolaýshylar ótedi. Sondyqtan eldi mekende tazalyqty saqtaý óte mańyzdy.
Bul joly saiabaq aýmaǵyn mekemeler, uiym qyzmetkerleri, turǵyndar, jastar qatarynan 30-dan astam adam tazartty. Saiabaqta Qazaq handyǵyndaǵy kóterilisterdiń biriniń kóshbasshysy bolǵan Kenesary hannyń eskertkishi ornalasqan.
– Kent ortalyǵyndaǵy saiabaq – eldi mekenniń kórikti jerleriniń biri, sondyqtan ony jinaýǵa qatysý – bizdiń ortaq mindetimiz. Óz Otanyn baǵalaityn árbir adam onyń tazalyǵyna óz úlesin qosýy kerek, – deidi Jańǵyztóbe kentiniń turǵyny Aijan Isatova.
Aktsiiaǵa qatysýshylar birlese jumys istep, saiabaq pen eskertkish aýmaǵyn tazartty.
