Osy másele jaiynda Panfilov aýdany ákimi Talǵat Ómiráliev jýrnalsiterge túsinikteme berdi. Aýdan ákiminiń túsiniktemesi belgili jýrnalist Sandýǵash Dúisenova óziniń áleýmettik jelidegi paraqshasynda bólisti.
Óz kezeginde aýdan ákimi:
«Jarkent qalasynda 100 adamǵa arnalǵan arnaiy sanitarlyq oqshaýlaý orny daiyn. Sondai-aq, qajetti jaǵdaiǵa dep taǵy qosymsha 160 oryn qarastyrylǵan. Barlyq sanitar-epidiomologtar tolyq meditsinalyq jabdyqpen qamtamasyz etilgen. Aqpannyń 20-nan bastap Qytaidan kelgen adamdardyń barlyǵy 14 kúnge deiin arnaiy sanitarlyq orynda bolady. Óitkeni bul virýsty juqtyrǵan adamnan birden eshqandai syrqat belgileri baiqalmaýy múmkin. Koronavirýstyń aǵzadaǵy jasyryn kezeńi 14 kúnnen 24 kúnge deiin sozylý faktisi anyqtalǵan. Qytaidan ótken azamattar 14 kún jatyp shyqqannan keiin de on kún boiy tolyq baqylaýda bolady. Sol sebepti saqtyq sharalary júrgizilip jatyr» dedi Panfilov aýdanynyń ákimi Talǵat Ómiráliev.
Sonymen qatar Jarkenttegi mektep-interntqa karnatin aimaǵy retinde paidalanady degen áńgimeniń eshqandai negizi joq ekenin alǵa tartty. "Mundai áńgimeniń kimderdiń tartqanyn bilmeimin. Bizder Jarkent pedagogikalyq kolledjiniń jataqhanasyn paidalanamyz" dedi.
[video width="220" height="400" mp4="https://dalanews.kz/wp-content/uploads/2020/02/87365649_182660523153394_4040345859278241792_n.mp4"][/video]
