Jezqazǵan qalasynda ornalasqan munaı bazalarynyń biriniń aýmaǵynda arnaıy maqsattaǵy úsh avtokólik órttendi. Órt sóndirý bólimsheleri kelgenge deıin gaz-aýa qospasynan jarylys týyndap, angardyń qabyrǵalary qırady, dep jazady Dalanews.kz.
Tórt adamnyń zardap shekkeni týraly aqparat ta bar.
"Oqıǵa ornyna birneshe mınýt ishinde dereý kelgen TJM-niń alǵashqy bólimsheleri qorǵanys jylý shaǵylystyrǵysh kostúmderinde órtti sóndire bastady. İle-shala qosymsha órt sóndirý quramy da kelip jetti. Qanat jaıǵan jedel shtab janarmaıy bar rezervýardy salqyndatý arqyly qorǵaý úshin bir zvenony ot ishine jiberý týraly strategıalyq sheshim qabyldady. Janý ornyna jaqyn turǵan gıdranttarǵa avtosısternalardy ornalastyra otyryp, órt sóndirýshiler kóbik shabýylynyń kómegimen órtti 100 sharshy metr alańda sóndirdi", - deıdi Jezqazǵan qalasy Tótenshe jaǵdaılar basqarmasynyń bastyǵy Dıdar Quıqabaev
Órt saldarynan munaı bazasynyń tórt qyzmetkeri aýrýhanaǵa jatqyzylǵany da naqtylanady. Órttiń shyǵý sebebi anyqtalýda.
Aıta ketsek, 2025 jyly 16 qańtarda Qaraǵandyda balabaqshadan órt shyǵyp, 82 bala evakýasıalanǵan edi.
