جەزقازعان قالاسىندا ورنالاسقان مۇناي بازالارىنىڭ بٸرٸنٸڭ اۋماعىندا ارنايى ماقساتتاعى ٷش اۆتوكٶلٸك ٶرتتەندٸ. ٶرت سٶندٸرۋ بٶلٸمشەلەرٸ كەلگەنگە دەيٸن گاز-اۋا قوسپاسىنان جارىلىس تۋىنداپ, انگاردىڭ قابىرعالارى قيرادى, دەپ جازادى Dalanews.kz.
تٶرت ادامنىڭ زارداپ شەككەنٸ تۋرالى اقپارات تا بار.
"وقيعا ورنىنا بٸرنەشە مينۋت ٸشٸندە دەرەۋ كەلگەن تجم-نٸڭ العاشقى بٶلٸمشەلەرٸ قورعانىس جىلۋ شاعىلىستىرعىش كوستيۋمدەرٸندە ٶرتتٸ سٶندٸرە باستادى. ٸلە-شالا قوسىمشا ٶرت سٶندٸرۋ قۇرامى دا كەلٸپ جەتتٸ. قانات جايعان جەدەل شتاب جانارمايى بار رەزەرۆۋاردى سالقىنداتۋ ارقىلى قورعاۋ ٷشٸن بٸر زۆەنونى وت ٸشٸنە جٸبەرۋ تۋرالى ستراتەگييالىق شەشٸم قابىلدادى. جانۋ ورنىنا جاقىن تۇرعان گيدرانتتارعا اۆتوتسيستەرنالاردى ورنالاستىرا وتىرىپ, ٶرت سٶندٸرۋشٸلەر كٶبٸك شابۋىلىنىڭ كٶمەگٸمەن ٶرتتٸ 100 شارشى مەتر الاڭدا سٶندٸردٸ", - دەيدٸ جەزقازعان قالاسى تٶتەنشە جاعدايلار باسقارماسىنىڭ باستىعى ديدار قۇيقاباەۆ
ٶرت سالدارىنان مۇناي بازاسىنىڭ تٶرت قىزمەتكەرٸ اۋرۋحاناعا جاتقىزىلعانى دا ناقتىلانادى. ٶرتتٸڭ شىعۋ سەبەبٸ انىقتالۋدا.
ايتا كەتسەك, 2025 جىلى 16 قاڭتاردا قاراعاندىدا بالاباقشادان ٶرت شىعىپ, 82 بالا ەۆاكۋاتسييالانعان ەدٸ.
