Sondaǵy ministrdiń tilisher aldynda aqtalyp aitqan sózin estip tańqaldyq. Rýslan Fatihuly ne aitty deisiz ǵoi. Uzyn-yrǵasy mynadai:
– Bizdiń Tuńǵysh Prezidentimiz, Elbasy Nursultan Nazarbaev «eger júz qazaqtyń arasynda bir ózge ulttyń adamy bolsa, túsinikti bolý úshin orys tilinde sóileńder» dep aitty ǵoi. Eger óńsheń qazaqtar bolsaq, qazaq tilinde sóileimin ǵoi, – dep aqylǵa qonbaityn áńgimen aitqanyn kórgenimizde ne jylarymyzdy, ne kúlerimizdi bilmedik.
Iá, 30 jylda Nursultan Nazarbaev ne demedi? Tilge, jerge, sailaýǵa qatysty bir-birine qaishy keletin talai áńgime aitty emes pe?
Kezinde Aidos Sarym «Azattyq radiosyna» bergen suhbatynda Nazarbaevtyń bir sózi bir sózin joqqa shyǵaratynyn ashyp aitqan edi.
Iá, Nazarbaevtyń sózi buljytpai oryndaityn Quran aiattarynyń sózi emes qoi. Sondyqtan «Nazarbaev aitty emes pe?», «Nazarbaev aitqan» degen sózderdi toqtatýmyz kerek.
Negizinde bilikte uzaq otyrǵan adamnyń sóziniń quny bolmaidy. Biligin saqtaý úshin úsh kún buryn aitqan sózinen tanyp, basqasha sairaý túk emes.
2000 jyldardyń basynda Nurekeń «bilikti uzaq otyrmaimyn» dep qulaǵymyzǵa talai tepti emes pe? Sondyqtan saiasatkerlerdiń sózin qandaida bir mán izdep, oǵan Qurandai uiýdyń qajeti joq. Keiin uiatqa qalýyńyz múmkin.
Sondyqtan Qornanys ministriniń «Nazarbaev solai dep aitty emes pe?» degen argýmenti eshkim de qabyldamaǵany anyq. Muny tipti aqtalý dep aitýǵa da kelmeidi.
«Jańa Qazaqstannyń» bildei Qorǵanys ministri solqyldaqtyq tanytsa, odan keiingi shendiler jaiynda ne deýge bolady.
Nurlan Jumaqanov, jýrnalist
