سونداعى مينيستردٸڭ تٸلٸشەر الدىندا اقتالىپ ايتقان سٶزٸن ەستٸپ تاڭقالدىق. رۋسلان فاتيحۇلى نە ايتتى دەيسٸز عوي. ۇزىن-ىرعاسى مىناداي:
– بٸزدٸڭ تۇڭعىش پرەزيدەنتٸمٸز, ەلباسى نۇرسۇلتان نازارباەۆ «ەگەر جٷز قازاقتىڭ اراسىندا بٸر ٶزگە ۇلتتىڭ ادامى بولسا, تٷسٸنٸكتٸ بولۋ ٷشٸن ورىس تٸلٸندە سٶيلەڭدەر» دەپ ايتتى عوي. ەگەر ٶڭشەڭ قازاقتار بولساق, قازاق تٸلٸندە سٶيلەيمٸن عوي, – دەپ اقىلعا قونبايتىن ەڭگٸمەن ايتقانىن كٶرگەنٸمٸزدە نە جىلارىمىزدى, نە كٷلەرٸمٸزدٸ بٸلمەدٸك.
يە, 30 جىلدا نۇرسۇلتان نازارباەۆ نە دەمەدٸ? تٸلگە, جەرگە, سايلاۋعا قاتىستى بٸر-بٸرٸنە قايشى كەلەتٸن تالاي ەڭگٸمە ايتتى ەمەس پە?
كەزٸندە ايدوس سارىم «ازاتتىق راديوسىنا» بەرگەن سۇحباتىندا نازارباەۆتىڭ بٸر سٶزٸ بٸر سٶزٸن جوققا شىعاراتىنىن اشىپ ايتقان ەدٸ.
يە, نازارباەۆتىڭ سٶزٸ بۇلجىتپاي ورىندايتىن قۇران اياتتارىنىڭ سٶزٸ ەمەس قوي. سوندىقتان «نازارباەۆ ايتتى ەمەس پە?», «نازارباەۆ ايتقان» دەگەن سٶزدەردٸ توقتاتۋمىز كەرەك.
نەگٸزٸندە بيلٸكتە ۇزاق وتىرعان ادامنىڭ سٶزٸنٸڭ قۇنى بولمايدى. بيلٸگٸن ساقتاۋ ٷشٸن ٷش كٷن بۇرىن ايتقان سٶزٸنەن تانىپ, باسقاشا سايراۋ تٷك ەمەس.
2000 جىلداردىڭ باسىندا نۇرەكەڭ «بيلٸكتٸ ۇزاق وتىرمايمىن» دەپ قۇلاعىمىزعا تالاي تەپتٸ ەمەس پە? سوندىقتان ساياساتكەرلەردٸڭ سٶزٸن قاندايدا بٸر مەن ٸزدەپ, وعان قۇرانداي ۇيۋدىڭ قاجەتٸ جوق. كەيٸن ۇياتقا قالۋىڭىز مٷمكٸن.
سوندىقتان قورنانىس مينيسترٸنٸڭ «نازارباەۆ سولاي دەپ ايتتى ەمەس پە?» دەگەن ارگۋمەنتٸ ەشكٸم دە قابىلداماعانى انىق. مۇنى تٸپتٸ اقتالۋ دەپ ايتۋعا دا كەلمەيدٸ.
«جاڭا قازاقستاننىڭ» بٸلدەي قورعانىس مينيسترٸ سولقىلداقتىق تانىتسا, ودان كەيٸنگٸ شەندٸلەر جايىندا نە دەۋگە بولادى.
نۇرلان جۇماقانوۆ, جۋرناليست
