Kólik ministri Marat Qarabaev qyzmetinen ketti, dep habarlaidy Dalanews.kz.
"Memleket basshysynyń Jarlyǵymen Marat Kárimjanuly Qarabaev Qazaqstan Respýblikasynyń Kólik ministri laýazymynan bosatyldy", - delingen aqorda habarlamasynda.
Buǵan deiingi jaǵdai
Aita keteiik, 14 mamyrda Prezident Qasym-Jomart Toqaevtyń tóraǵalyǵymen Qazaqstan Respýblikasy Qaýipsizdik Keńesiniń kólik-logistika salasyn damytý máseleleri jónindegi otyrysy ótti. Kólik ministri Marat Qarabaevtyń jáne birqatar ortalyq memlekettik organdar basshylarynyń baiandamalary tyńdaldy.
Memleket basshysy kólik salasyndaǵy ahýaldy synǵa aldy. Qordalanǵan problemalar men belgilengen mejelerdiń oryndalmaýy jańǵyrtý jumystaryn júrgizýge kedergi keltirip otyrǵanyn aitty.
Jiyn sońynda Prezident ministr Marat Qarabaevqa jumys barysynda jibergen kemshilikteri úshin sógis jariialady.
Memleket basshysy kólik-logistika salasyndaǵy problemalardy sheshýge qatysty naqty sharalar qabyldaýdy tapsyrdy.
