Belgili saiasatker jáne burynǵy senat depýtaty Ýálihan Qaisar Reseidiń ekonomikasy men saiasi júiesi álsirep, ydyraýǵa jaqyndaǵanyn aitty. Onyń sózinshe, qazirgi jaǵdai Keńes Odaǵynyń sońǵy kezeńderin eske salady. Bul týraly ol Qazaq Airan YouTube arnasyna bergen suhbatynda málimdedi, dep habarlaidy Dalanews.kz.
“Men Reseidiń ydyraitynyna senimdimin. Tipti, 30-35 jylǵa jetkizbei ydyraidy dep oilaimyn. Qazir elde aqsha tapshylyǵy oryn alyp otyr”, — deidi ol.
Osy tusta ol Aýǵanstandaǵy jaǵdaidy mysalǵa keltirdi.
“Aýǵanstanǵa 1979 jyldyń jeltoqsanynda kirdik. Onda 15 jylǵa jýyq ýaqyt boldyq. Sol kezde álem Reseige sanktsiialar sala bastady. Sol sanktsiialar ekonomikasyn álsiretip, aqyry quldyraýǵa ákeldi.
Sodan keiin respýblikalar Kremlde aqsha joq ekenin baiqap, óz joldaryn izdeýge kiristi. Eger bólek bolsa, jaǵdai basqasha bolar edi”, — dedi ol.
Saiasatkerdiń pikirinshe, qazirgi Reseide aqsha tapshylyǵy, saiasi jáne ekonomikalyq daǵdarys bar. Bul eldiń bolashaǵyna áser etetin basty faktor.
“Olardyń jaǵdaiy buryn-sońdy bolmaǵan deńgeide nashar”, — dep túiindedi ol.
