Almatyda báigeden Qazaqstan chempionatynyń finaly ótedi. Onyń júlde qory - 94 400 000 teńge, dep habarlaidy dalanews.kz.
Báigege kimder qatysady?
Almaty ippodromynda 10 qazanda báigeniń birneshe túrinen 2026 jylǵy Qazaqstan chempionatynyń finaly ótedi. Bul týraly Almaty qalasy Sport basqarmasynyń ókilderi málimdedi.
Chempionattyń irikteý kezeńderi Qazaqstannyń jeti óńirinde - Qyzylorda, Taldyqorǵan, Ekibastuz, Pavlodar, Zaisan, Aqtóbe jáne Qostanai qalalarynda uiymdastyrylǵan. Maýsym boiy qatysýshylar túrli qashyqta baq synap, Almatyda ótetin sheshýshi jarysqa joldama alý úshin ózara myqtyny anyqtaǵan.
Chempionat baǵdarlamasyna qunan báige, top báige, alaman báige, sondai-aq, Qazaqstanda týǵan jylqylarǵa arnalǵan arnaiy jarystar engizilgen. Báigeniń jalpy júlde qory - 94 mln 400 myń teńge.
Báigeni kim uiymdastyrady, demeýshiler kimder?
Dalanews.kz redaktsiiasyna bergen jaýabynda Báige federatsiiasy báige túrlerinen Qazaqstan chempionatyn besinshi jyl qatar ótkizip kele jatqanyn málimdedi.
Báigedegi júlde qory tolyqtai bas demeýshi tarapynan beriletini aityldy, uiymdastyrýshylyq shyǵyndardy federatsiia jáne basqa da demeýshiler (kompaniialar) kótermek.
Is-sharaǵa Týrizm jáne sport ministrliginiń Sport komiteti, Almaty qalasy ákimdigi ákimshilik qoldaý kóresetedi.
