Almaty politsiiasy 37 jastaǵy jedel ýákil Aslan Álserovtiń ólimine qatysty qylmystyq isti tergeýdi aiaqtady. Materialdar sotqa joldaý máselesin sheshý úshin prokýratýraǵa berilgen.
Ulysmedia.kz málimetinshe, Ishki ister ministrligi tergeýdiń 29 qyrkúiekte Qylmystyq kodekstiń 99-babynyń 2-bóligi, iaǵni aýyrlatatyn mán-jailarda adam óltirý deregi boiynsha aiaqtalǵanyn rastaǵan.
Marqum politseidiń áriptesi kúdiktilerge qatysty pikir bildirdi
Vedomstvo tergeý qupiiasyna bailanysty ózge málimetterdi jariialamaǵan.
Oqiǵa 23 maýsymda Almaty oblysynyń taýly aimaǵynda, Kókpek – Kóktal – Kegen avtojolynyń 52-shaqyrymynda bolǵan. Sol jerden malshy órtengen adamnyń denesin taýyp alǵan.
Keiin marqumnyń Almaty qalasy Áýezov aýdandyq politsiia basqarmasynyń aǵa jedel ýákili Aslan Álserov ekeni anyqtalǵan.
Tergeý nusqasyna sáikes, qylmys Almatydaǵy páterlerdiń birinde jasalǵan. Keiin izdi jasyrý maqsatynda marqumnyń denesi qala syrtyndaǵy taýly aimaqqa jetkizilip, órtelgen degen boljam bar.
Is boiynsha politseidiń áieli men 14 jastaǵy uly kúdikke ilingen.
Qazirgi ýaqytta is prokýratýraǵa joldanǵan. Kúdiktilerdiń kinási sottyń zańdy kúshine engen úkimimen ǵana anyqtalady.
