Kórnekti kompozitor, Qazaqstannyń halyq ártisi, professor Baqir Baiahýnov qaitys boldy. Qaraly habardy Mádeniet jáne aqparat ministrligi habarlady, dep jazady dalanews.kz.
Vedomstvo marqumnyń otbasy men týǵan-týystaryna, jaqyndaryna, áriptesteri men shákirtterine kóńil aitty.
Baqir Iahiiauly sanaly ǵumyryn mýzyka ónerine arnap, Qazaqstandaǵy kompozitorlyq mekteptiń damýyna eleýli úles qosqan.
"Qazaqtyń mýzykalyq murasyn, Shyǵys halyqtarynyń áýen-sazyn eýropalyq akademiialyq mýzyka dástúrimen sheber ushtastyrǵan týyndylary elimizdiń rýhani qazynasyn baiytty", – delingen ministrliktiń kóńil aitýynda.
Baqir Baiahýnov shyǵarmashylyqpen qatar ustazdyq qyzmetpen de uzaq jyldar ainalysty. Ol Qurmanǵazy atyndaǵy Qazaq ulttyq konservatoriiasynda 40 jyldan astam eńbek etip, birneshe býyn kásibi mýzykant tárbielegen.
Ministrlik kompozitordyń shákirtterine tek kásibi bilim berip qana qoimai, shyǵarmashylyq jolda baǵyt-baǵdar kórsetkenin atap ótti.
"Baqir Iahiiaulynyń bai shyǵarmashylyq murasy, ustazdyq ónegesi men jarqyn beinesi el jadynda máńgi saqtalady", – delingen habarlamada.
Baqir Baiahýnovtyń qazaq mýzyka ónerine qaldyrǵan shyǵarmashylyq murasy men pedagogikalyq eńbegi ulttyq mádeniet tarihynda ózindik orny bar qundylyq retinde saqtalady.
