Japon pavilonyna qyzyǵýshylar kóp
16 tamyz kúni Qostanai oblysynan kelgen týrist Japoniia pavilonyna 500 000-ynshy adam bop kelgen. Ol óz sózinde osy kórmege kelgeni úshin ózin baqytty sezinetinin, Japoniia pavilonynda kútpegen syilyqqa tap bolǵanyn jetkizdi. Nurym Amanǵaraevtyń aitýynsha, Japoniia – eli shynymen de tehnologiiasy damyǵan ári óziniń kórmege jańa ideialaryn usyna bilgen sanaýly elderdiń biri. Oǵan Japon pavilonynda «Smart Mix with Technology» taqyryby negizge alyna otyryp, Japoniia tehnologiialyq kúshimen búkilálemdik problemalardy sheshý úshin óz úlesin qosý nieti qatty unaǵan. Eger jolym tússe, 2025 jylǵy Halyqaralyq kórme ótkizilý ornyna kandidat Osaka qalasyna da barý armany ekenin jetkizdi. 2025 jyly Halyqaralyq kórme Japoniia qalasynda ótýi múmkin dep boljanýda. Osy kórme aiasynda Osaka qalasy týristerge jan-jaqtyly tanystyrylyp jatyr.
Japon pavilonynyń direktory Shibamoto Hidekadzý Japoniianyń tanymal joǵary tehnologiialary týraly ǵana emes, japondardyń qorshaǵan ortaǵa degen qamqorlyǵy jáne tabiǵaty men mádenieti jaiynda barynsha kóptegen adamdar bilse eken degen nietpen, árbir kórmege kelýshilerdi iltipatpen kútetinderin aitty.
Astana EKSPO-2017 Halyqaralyq kórmesi 2017 jyly 10 maýsym (senbi) men 10 qyrkúiek (jeksenbi) aralyǵynda Astanada ótedi. 115 memleket pen 22 halyqaralyq uiym «Bolashaq energiiasy» men mádenietin tanystyratyn ekspozitsiialaryn usynyp, ózderiniń tarihy men salt-dástúrin de kórsetýde.
Ózindik mádenietimen erekshelenetin Japon eliniń pavilony kórmege kelýshilerdi dizaindik, uiymdastyrýshylyq jáne taqyrypty meilinshe ashýymen jurt yqylasyna bólenip otyr.
